Home » » Ora News: “Përshëndetja e Ramës pak orë përpara protestës së PD” plus 9 more

Ora News: “Përshëndetja e Ramës pak orë përpara protestës së PD” plus 9 more

Ora News: “Përshëndetja e Ramës pak orë përpara protestës së PD” plus 9 more

Përshëndetja e Ramës pak orë përpara protestës së PD

Posted: 12 May 2017 11:49 PM PDT

Ndërkohë që opozita po zhvillon përgatitjet e fundit të protestës, e cila pritet të fillojë në orën 12:00 kryeministri Edi Rama ka bërë një përshëndetje në Facebook.

Kreu i ekzekutivit ka publikuar një set fotografik nga hapja e sezonit turistik në Vlorë dhe nga Lungomare.

Të parët për lajmin e fundit. Ndiqni Oranews.tv në Facebook dhe në Twitter

Fieraku kapet me doza heroine

Posted: 12 May 2017 11:44 PM PDT

Një 28- vjeçar nga Fieri është arrestuar nga policia pasi u kap me 22 doza heroine. Në kuadër të operacionit "Red 2" në pranga u vu shtetasi Elvir Kananaj.

"Në momentin e kapjes në flagrancë, shtetasit Elvir Kananaj i’u gjetën me vete 22 doza lëndë narkotike e dyshuar Heroinë e cila u sekuestrua në cilësinë e provës materiale së bashku me 480 mijë lekë dhe 10 euro", sqaron policia.

Materialet proceduriale do i kalojnë Prokurorisë pranë Gjykatës së Shkallës së Parë Fier për veprat penale “Prodhimi dhe shitja e narkotikëve” dhe “Nxitja për përdorimin e drogës” parashikuar nga Nenet 283 dhe 286 të Kodit Penal.

/Oranews.tv/

Të parët për lajmin e fundit. Ndiqni Oranews.tv në Facebook dhe në Twitter

Smartfonët e ri që karikohen për 5 minuta arrijnë në 2018

Posted: 12 May 2017 11:44 PM PDT

Smartfonët me bateri që karikohen plotësisht për pesë minuta mund të jenë në dispozicion tuaj duke filluar nga viti i ardhshëm.

Kjo do të thotë që ju nuk keni më nevojë të lini celularin tuaj në prizë gjithë natën apo ta mbani në karikim në tavolinën  e punës gjatë ditës.

Teknologjia e veçantë fillimisht është shfaqur në vitin 2015 kur kompania StoreDot demostroi baterinë 'FlashBattery' në emisionin CES tech në Las Vegas.

Shefi ekzekutiv i Store Dot, Doron Myersdorf ka thënë për BBC se ajo pritet të hyjë në prodhim në vitin 2018.

Kjo kompani ka një teknologji të ngjashme, që do të thotë se kanë prodhur bateri makine të cilat karikohen po aq shpejt.

Por spektikët megjithatë nuk janë të sigurtë nëse kjo teknologji do të vihet në dispozicion të konsumatorëve në një kohë kaq të shkurtër.

/oranews.tv/

Të parët për lajmin e fundit. Ndiqni Oranews.tv në Facebook dhe në Twitter

Arbana Xharra rrihet brutalisht nga persona të panjohur

Posted: 12 May 2017 11:18 PM PDT

Arbana Xharra është sulmuar sot rreth orës 1 pas mesnate në një parking në Prishtinë, duke u rrahur brutalisht nga agresoret.

Ngjarja ndodhi pas orës 1 te mesnatës, kur Xharra ishte kthyer nga Tirana, pasi ishte  ftuar në emision në një prej televizioneve.

Ajo u dërgua në gjendje të rëndë në spital, ndërkohë motivet e kësaj ngjarje ende mbeten të paqarta.

Pas aderimit të saj në PDK, Xharra ishte cak i sulmit nga militantet e partisë Vetëvendosje, të cilët nuk kanë kursyer edhe fyerjet verbale ndaj saj.

Ish kryeredaktorja e gazetës "Zëri" në Kosovë edhe më parë ka qenë e kërcënuar, sidomos prej elementeve të islamit radikal. Megjithatë, motivet për këtë sulm ndaj Xharrës ende mbeten të paqarta derisa policia e Kosovës të dal me ndonjë deklaratë zyrtare për incidentin që ndodhi sot.

Ajo është dërguar në spital nga familjarët dhe bashkëpartiakë të partisë së saj, në të cilën ajo aderoi gjatë ditës së marte. Pas dhënies se tretmanit adekuat mësohet se Xharra është lëshuar nga spitali dhe ka shkuar në banesën e saj, ku gjendje e saj shëndetësore për momentin është stabile.

Të parët për lajmin e fundit. Ndiqni Oranews.tv në Facebook dhe në Twitter

Protesta e opozitës, ja rrugët dhe sheshet ku nuk duhet të kaloni

Posted: 12 May 2017 10:26 PM PDT

Për të krijuar lehtësirat në funksion të mbarëvajtjes së protestës, Drejtoria  Vendore e Policisë Tiranë ka marrë një plan masash, duke ndaluar qarkullimin dhe parkimin e automjeteve në disa rrugë të Tiranës.

Ndalohet parkimi dhe qarkullimi i të gjitha kategorive të mjeteve në segmentet rrugorë:

– nga ora 07:00 deri në përfundim të protestës – Rrruga "Papa Gjon Pali II", nga Sheshi "Italia" deri tek kryqëzimi në Bulevardin "Bajram Curri".

– nga ora 11:30 deri në përfundim të protestës – Sheshi "Skënderbej", Rruga "Myslym Shyri", nga kryqëzimi me Rrugën "Ibrahim Rugova" deri tek Kryqëzimi me Bulevardin "Dëshmorët e Kombit" – Bulevardi "Dëshmorët e Kombit" deri tek Kryqëzimi me Rrugën "Ibrahim Rugova", – Bulevardi "Bajram Curri" nga kryqëzimi me rrugën "Ibrahim Rugova", deri tek kryqëzimi me rrugën e "Elbasanit".

Policia e Shtetit kërkon mirëkuptimin e të gjithë qytetarëve për bllokimet e akseve rrugore gjatë kohës së zhvillimit të protestës.

Policia e Shtetit ka marrë të gjitha masat ligjore për sigurinë e protestës, por ndërkohë kërkon bashkëpunimin e organizatorëve për respektimin e detyrimeve që rrjedhin nga ligji "Për Tubimet", si garanci për mbarëvajtjen e tubimit. 

Policia e Shtetit, siç ka dëshmuar është plotësisht e aftë për të përmbushur detyrimin ligjor si garante e zhvillimit të çdo tubimi paqësor kudo dhe nga kushdo. Ajo ka të gjithë të drejtën ligjore, si dhe zotëron të gjithë kapacitetet për të mos lejuar cënimin e interest të qytetarëve dhe për të vënë përpara përgjegjësisë këdo që shkel ligjin.

/Oranews.tv/

Të parët për lajmin e fundit. Ndiqni Oranews.tv në Facebook dhe në Twitter

Katy Perry tregon më shumë se ç’duhet!

Posted: 12 May 2017 10:20 PM PDT

Ajo është duke shijuar pushimet në plazhet e Cabo San Lucas në Meksikë por si duket ka tërhequr vëmendjen e të gjithëve pasi tregoi më shumë se ç'duhej në publik.

Bëhet fjalë për këngëtaren Katy Perry e cila u fotografua me një veshje transparente në plazh.

Këngëtarja 32 vjecare ka shfaqur fizikun e saj teksa po shijonte rrezet e diellit në Meksikë.

Të parët për lajmin e fundit. Ndiqni Oranews.tv në Facebook dhe në Twitter

Sot protesta e opozitës, qytetarët nisen nga rrethet

Posted: 12 May 2017 10:16 PM PDT

Ashtu siç ka paralajmëruar opozita do të zhvillojë sot një protestë në bulevardin dëshmorët e Kombit në Tiranë. Protesta pritet të nisë në orën 12:00 dhe zhvillohet pas 84 ditë qëndresë në çadrën e lirisë.

Protesta e sotme (13 maj) është cilësuar nga opozita si dita kur do të nisë ngritja e Republikës së Re, që kryetari i PD, Lulzim Basha e ka artikuluar qysh prej nisjes së kauzës për zgjedhje të lira në 18 shkurt.

Për nga skenari protesta  është e ngjashme  me atë të 18 shkurtit. Qytetarët do të mblidhen rreth orës 11:30 ne sheshin mes ministrisë së Brendshme dhe asaj të Bujqësisë.

Kryetari i opozitës Lulzim Basha, i shoqëruar nga të rinj do të marshojë nga selia blu, në bulevardin "Zhan Dark", për  t'iu bashkuar protestuesve në bulevard para hotel "Dajtit", ku bashkë me ta do ti drejtohet  sheshit para kryeministrisë.

Në podiumin e vendosur para asaj që është pagëzuar nga protestuesit si "çadra e lirisë", do ngjiten qytetarë për të përçuar problemet e tyre, ndërsa mesazhet e fundit politike, bashke me mënyrën se si do vazhdoje protesta, do të jepen nga  kryetari i Partisë Demokratike Lulzim Basha.

Ora 08:40 Sipas drejtuesve të PD llogaritet rreth 3 mijë protestues nga Fieri

Qytetarë dhe anëtare të PD Fier nisen drejt Tiranës për protestë. Janë rreth 20 autobuzë 10 furgona dhe makina private, pohon Luan Baci kreu i PD, Fier.

Ora 08: 20 Kukës, drejtues të PD: 2 mijë protestues drejt Tiranës me mjete private e autobusë

08:05 -2500 persona nga Lezha

Lezhe, qindra qytetarë janë mbledhur në mënyre të organizuar dhe po nisen për në protestën e PD. Mbi 10 autobuzë nga qyteti dhe të gjitha njësite administrative po nisen drejt Tiranes. Kreu i PD, Paulin Marku jane mbi 2500 persona qe po nisen nga Lezha me autobuza dhe mjete private.

Protestuesit ne Lezhe nisen drejt Tiranes

Ora 08:00 -3 mijë protestues nga Shkodra

Drejtues të PD në Shkodër bëjnë të ditur se janë rreth 3 mijë protestues që janë nisur drejt Tiranës. 9 autobusë, 15 furgonë dhe mbi 600 mjete private.

Protestuesit ne Shkodër nisen drejt Tiranes

Protestuesit ne Shkodër nisen drejt Tiranes

Protestuesit ne Shkodër nisen drejt Tiranes

Protestuesit ne Korçë nisen drejt Tiranes

Protestuesit ne Korçë nisen drejt Tiranes

Protestuesit ne Korçë nisen drejt Tiranes

Lexo me shumë:

Ora News zbardh skenarin e protestës së 13 majit: Rama ik!

Policia: PD nuk i ka plotësuar të gjitha kërkesat ligjore për protestën

Masat e policisë, 2500 efektivë do monitorojnë protestën e opozitës

/Oranews.tv/

Të parët për lajmin e fundit. Ndiqni Oranews.tv në Facebook dhe në Twitter

Kokëdhima kërkon që zgjedhjet të shtyhen në tetor

Posted: 12 May 2017 03:00 PM PDT

Kreu i  partisë “ZGJIDHJA” mbështet protestën e opozitës në Tiranë për zgjedhje të lira e të ndershme.

“Ajo është shprehje e lirisë dhe e demokracisë që vendi ka arritur si dhe një e drejtë e garantuar në kushtetutë. Protestat që kanë si pikësynim respektimin e votës se lirë dhe të ndershme në Shqipëri ka qenë, janë dhe do të jenë kurdoherë të mirëpritura për “Zgjidhjen”, shkruan Koço Kokëdhima në një status në facebook

Ai thotë se duhet ti jepet fund zgjedhjeve te manipuluara.

“Vota e lirë është baza e një shoqërie të drejtë dhe të përparuar.

 Ashtu siç opinioni publik mbështeti protestën masive të opozitës socialiste më 2009 për rinumërimin e votave, po me atë vrull qytetar opinioni publik duhet të mbështesë protestën për organizmin e zgjedhjeve të ndershme sot. 

Pas më shumë se një çerek shekulli vjedhjesh dhe trafikimi të votave, shqiptarët kanë të drejtë të kërkojnë që t'i jepet fund kësaj katrahure kombëtare me zgjedhjet e manipuluara”

Zgjedhjet te shtyhen ne tetor

Gjithashtu Partia "Zgjidhja" ka dhe disa propozime:

“Kërkon që zgjedhjet të shtyhen në tetor me qëllim që të zhvillohet votim dhe numërim elektronik si në të gjitha vendet e botës së qytetëruar”

"Zgjidhja" kërkon që votat t'i numërojë një administratë e paanshme zgjedhore shtetërore dhe jo komisionerët e partive që kanë ushtruar dhe ushtrojnë pushtet.

“Zgjidhja” kërkon reformë zgjedhore që të zgjidhë përfundimisht pastrimin e zgjedhjeve në Shqipëri. Asnjë forcë nuk do mundet ta ndalojë edhe për shumë kohë të tjera popullin shqiptar të fitojë zgjedhjet e lira e të ndershme dhe të drejtën e pamohueshme për të qenë zotëruesi i vetëm i sovranitetit të Shqipërisë.

Thirrja per proteste paqesore

Por, sado i drejtë dhe legjitim qoftë mobilizimi i opozitës për zgjedhje të pacenuara, protesta e sotme duhet të jetë mbi të gjitha paqësore.

Duke evituar çdo shkarje në dhunë të panevojshme protesta për votën e lirë mund të lartësohet si një far shpresëdhënës për pjekurinë e demokracisë shqiptare.

Një protestë paqësore do të mund t'i tregojë mbarë botës se në Shqipëri nuk ka më vend për shthurje të rendit publik dhe  kaos.

Një protestë e civilizuar sot, ashtu siç e shpresojmë dhe siç e presim, do t'ja lërë një herë e përgjithmonë historisë vitin 1997, njollën e madhe të turpit të politikës së vjetër shqiptare.

Me maturinë dhe me forcën e rezultateve që ajo do të korrë paqësisht, kjo protestë ka shansin e madh historik që të bëhet një mësim për brezin e politikanëve të sotëm duke u treguar se çdo mosmarrëveshje politike mund dhe duhet ta zgjidhim me dialog dhe me mjete demokratike.

/Oranews.tv/ 

Të parët për lajmin e fundit. Ndiqni Oranews.tv në Facebook dhe në Twitter

Gruaja e Astrit Deharit lind vajzë

Posted: 12 May 2017 02:26 PM PDT

Gruaja e ish-aktivistit të Lëvizjes Vetëvendosje, Astrit Dehari, i cili humbi jetën në rrethana të dyshimta në burgun e Prizrenit, ka lindur vajzë.

Bashkëshortja e Deharit lindi të enjten.

Ajo ishte shtatzënë gjatë kohës që Dehari ishte në paraburgim të Prizrenit ku mbahej nën dyshimet se kishte kryer vepra terroriste, duke sulmuar institucionet e Kosovës.

26 vjeçari u gjet i vdekur pasditen e 5 nëntorit 2016 në Qendrën e Paraburgimit në Prizren.

/Oranews.tv/

Të parët për lajmin e fundit. Ndiqni Oranews.tv në Facebook dhe në Twitter

As Qeveria e ardhshme nuk mund t’iu ikë Demarkacionit dhe Asociacionit

Posted: 12 May 2017 01:44 PM PDT

Pavarësisht mospajtimeve të mëdha ndërmjet partnerëve të koalicionit qeverisës, që çoi drejt shpërbërjes së Kuvendit dhe rrjedhimisht edhe shpalljes së zgjedhjeve të reja të parakohshme, problemet me të cilat vendi do të vazhdojë të përballet, thonë njohës të rrethanave, do të jenë pothuaj të njëjta.

Sipas tyre mosmiratimi dhe mosprocedimi i çështjeve të rëndësishme, siç ishte ratifikimi i marrëveshjes së kufirit me Malin e Zi, i ka dhënë fundin koalicionit qeverisës që, siç thonë ata, nuk ka funksionuar siç duhet.

Zgjedhjet e reja të parakohshme në Kosovë u shpallën nga presidenti i vendit, Hashim Thaçi për t'u mbajtur më 11 qershor, një ditë pasi Qeveria nuk i mbijetoi një mocioni mosbesimi të ngritur nga partitë në opozitë.

Mocionit iu bashkua edhe partneri në koalicionin qeverisës, Partia Demokratike e Kosovës, e cila sipas analistit Ramush Tahiri pretendon ta marrë "udhëheqjen e Qeverisë" dhe, sipas tij, "proceset e rëndësishme për vendin t’i çojë përpara’.

“Llogaritjet e PDK-së janë se me zgjedhje të parakohshme në këtë moment mund ta forcojë pozicionin e vet dhe mund ta marrë edhe pozitën e kryeministrit me disa parti më të vogla satelite“, tha Tahiri për Radion Evropa e Lirë.

Një analist tjetër në Kosovë, Ismail Hasani, duke folur për Radion Evropa e Lirë, tha se "lidershipi i deritashëm në vend nuk i është qasur siç duhet çështjeve të rëndësishme", por sipas tij, 'sjellja e njërit partner në koalicion ngreh pikëpyetje të shumta'.

“Mosmarrëveshjet mund të jenë shpërfaqur në mënyrë të heshtur, mund të ketë pasur edhe shtyrje bërrylash brenda për brenda Qeverisë. Por ajo çka ndodhi, që është e paprecedentë, është bashkëngjitja në unison mocionit të opozitës nga partneri kryesor i koalicionit“, tha Hasani.

Rënia e Qeverisë e ka vënë Kosovën përpara sfidave meqë, siç thonë njohësit e rrethanave politike, 'Qeveria e ardhshme duhet të vihet përballë konsolidimit të vendit'.

Analisti Ramush Tahiri thotë se reformat në drejtësi por edhe përmbushja e obligimeve për liberalizim të vizave, si dhe procesi i integrimit të vendit në Bashkimin Evropian, janë sfidat e të ardhmes.

“Ligji dhe rendi, luftimi i krimit dhe korrupsionit këto janë çështjet që e bëjnë shtetin të funksionojë si shtet dhe që tranzicionin ta kalojë më lehtë. Sfidë kryesore është përshpejtimi i proceseve euro-atlantike ose euro-integruese të Kosovës dhe gjithashtu zhvillimi ekonomik. Ne kemi një rritje ekonomike, por nuk kemi investime të huaja“, tha Tahiri.

Për njohësin e rrethanave politike në vend, Ismajl Hasani, qeverisja e ardhshme duhet të merret seriozisht me çështjen e Demarkacionit dhe pastaj edhe me çështjet e tjera të rëndësishme për qytetarët dhe vendin në përgjithësi.

“Çështja e Demarkacionit është detyrë imediate e Qeverisë së ardhshme në çfarëdo varianti që ajo themelohet. Por në të njëjtën kohë, janë edhe problemet që janë të lidhura me Bashkësinë e komunave. Në të njëjtën kohë, edhe me problemet e tjera që Kosovës mund t’i shfaqen gjatë rrugës sepse skena politike në Kosovë përfundimisht është tronditur“, tha Hasani.

Presidenti i Kosovës, Hashim Thaçi, takoi një ditë pasi e shpërndau Kuvendin, përfaqësuesit e partive politike parlamentare për të gjetur një datë të përshtatshme për zgjedhjet e parakohshme, që do të përputhej me kornizën ligjore.

Në takim nuk u paraqit askush nga partneri i deridjeshëm, Lidhja Demokratike e Kosovës, e cila tha se nuk "e pranon si president'. Megjithkëtë, zyrtarët e LDK-së thanë për Radion Evropa e Lirë se "do të marrin pjesë në zgjedhje, dhe se data e zgjedhjeve është detyrë e Presidentit".

Analisti Ramush Tahiri tha se nuk priten ndryshime të mëdha nga zgjedhjet e ardhshme pasi, sipas tij, nuk janë bërë reformat e duhura zgjedhore dhe "pak mund të ketë ndryshime në radhitjen e partive politike".

“Gjasat janë që të ketë krizë institucionale, të mosbërjes së një Qeverie të konsoliduar jo vetëm të numrave por edhe përmbajtësore. Do të thotë se [nëse] mund të kemi një Qeveri, nuk pres që mandati i saj të zgjasë me shumë se dy vjet“, tha Tahiri.

Rënia e Qeverisë së Kosovë dhe nxitja e zgjedhjeve të reja të parakohshme, thonë analistët mund të sjellë vendin në një gjendje të ngjashme me atë të vitit 2014, kur bllokada politike zgjati më shumë se gjashtë muaj.

Kosova që prej shpalljes së pavarësisë së saj, nuk ka pasur një Qeveri të qëndrueshme që ka kryer mandatin kushtetues prej katër vjetësh, meqë pothuaj secila prej tyre është detyruar të dorëhiqet pas votimeve të mosbesimit në Kuvend. /REL/

Të parët për lajmin e fundit. Ndiqni Oranews.tv në Facebook dhe në Twitter