Home » » RTSH: “Peshëngritje, Godelli fiton një medalje të artë” plus 9 more

RTSH: “Peshëngritje, Godelli fiton një medalje të artë” plus 9 more

RTSH: “Peshëngritje, Godelli fiton një medalje të artë” plus 9 more

Peshëngritje, Godelli fiton një medalje të artë

Posted: 05 Apr 2017 01:56 PM PDT

Peshëngritësi shqiptar Daniel Godelli ka marrë medaljen e artë në stilin e shkëputjes në Kampionatin Europian që po zhvillohet në Split. Në mënyrë befasuese pas dy dështimesh në 156 dhe 158 kilogramë, Godelli arriti të ngrinte në provën e tretë shtangën me 161 kg. Peshëngritësi tjetër shqiptar Erkand Qerimaj, fitoi medaljen e argjendtë në shtytje dhe medaljen e bronzit në dygarësh.
Peshëngritësja Romela Begaj në peshën deri në 69 kilogramë, u rendit në shkëputje në vendin e katërt dhe të gjashtin në shtytje. Të enjten në pedanë do të ngjitet Krenar Shoraj, që do të garojë në peshën 85 kilogramë.

Qeveria ul TVSh për turizmin në 6 përqind

Posted: 05 Apr 2017 12:30 PM PDT

Qeveria shqiptare ka vendosur në mbledhjen e së mërkurës të uli TVSH për turizmin nga 20 në 6 për qind, një masë që shpresohet se do t’i japi një shtysë indistrisë turistike në vend. Sipas operatorëve turistike në tregun ballkanik TVSH e turizmit shkon në 7 për qind, ndaj dhe ulja e TVSH nga qeveria shqiptare do ta bëjë tregun shqiptar më konkurrent. Kjo masë u është kërkuar prej kohësh qeverive shqiptare nga operatorët turistike, dhe PS e kishte premtuar që në fushatën e vitit 2013.
Ekspertët e ekonomisë thonë se mbetet të shihet se si do të reagojnë operatorët turistike dhe sa do të ndryshojnë çmitet e paketave turistike. Por sipas tyre ulja e TVSH për turizmin mund të nxisi dhe industritë e tjera të kërkojnë një masë të tillë. Shqipëria e ka TVSH në masën 20 për qind, ndër më të lartat në vendet e Ballkanit.

Beslidhja dhe Tirana barazim në Kukës

Posted: 05 Apr 2017 09:12 AM PDT

U luajt sot ndeshja e parë gjysmëfinale për Kupën e Shqipërisë mes Beslidhjes dhe Tiranës në Kukës dhe u transmetua nga RTSH.

Gjysmëfinale

Beslidhja – Tirana               1 – 1 *

Skënderbeu – Teuta           06.04

* Në RTSH

Ngacmimet seksuale; Raport shqetësues i Avokatit të Popullit

Posted: 05 Apr 2017 07:03 AM PDT

45 % e punonjësve të administratës publike kanë ndërprerë marrëdhëniet e punës për shkak të ngacmimeve seksuale që kanë përjetuar nga kolegët apo eprorët dhe 7.5% e tyre deklarojnë se në 3 vitet e fundit kanë përjetuar poshtërime të formave të ndryshme si dhe presione për të lënë detyrën. Këto janë rezultatet e një studimi të kryer nga Avokati i Popullit, i cili konfirmon se në vendin tonë vazhdon të aplikohet metoda e vjetër e menaxhimit të punës nëpërmjet presionit. "Ky presion që shpesh iu drejtohet nëpunësve tanë është një metodë menaxhimi që krijon një përshtypje të gabuar. Rezultatet arrihen vetëm në momentet e para dhe më pas vetëm vijnë duke rënë." Avokati i Popullit Igli Totozani ka kërkuar që kuadri ligjor të plotësohet edhe me legjislacjon specifik, me qëllim rritjen e nivelit të mbrojtjes dhe ofrimin e garancive për punëmarrësin. "Ka nevojë të ndryshojë kodi penal e të merren masa organizative dhe institucionale. Duhen trajnuar gjyqtarët etj."b Rastet e ngacmimit seksual në punë janë vështirë të raportohen. Në pjesën më të madhe viktimat mbeten të paidentifikuara, si pasojë e frikës dhe ndjenjës së lartë të vetëfajsimit . Vetë viktima për shkak edhe të mentalitetit shoqëror e mungesës së besimit te institucjonet publike zgjedh të heshtë e të mos raportojë në organet e drejtësisë.

Veliaj: “Tirana ka nevojë për shumë punë pasi kryeqyteti nuk ndryshon as me fjalë, as me sharje, as me kërcënime e as me çadra”

Posted: 05 Apr 2017 06:56 AM PDT

Përreth dy orë dhe në mungesë të opozitës, Këshilli Bashkiak diskutoi sot disa vendime të për kujdesin social dhe përmirësimin e infrastrukturës. Duke paraqitur nismat e marra nga Bashkia e Tiranës në vetëm një muaj, Veliaj pohoi se transporti publik tashmë është kthyer në një alternativë reale për qytetarët. Në lidhje me ndryshimin e Pazarit të Ri, Veliaj foli me shifra dhe deklaroi se janë 308 biznese që kanë filluar punën ose janë duke bërë investimet e tyre, të cilat në total punësojnë 1007 vetë. Para anëtarëve të Këshillit Bashkiak, kryebashkiaku theksoi se Tirana ka sot nevojë për shumë punë pasi sipas tij kryeqyteti nuk ka për të ndryshuar as me fjalë, as me sharje, as me kërcënime e as me çadra.

Meta takohet me të rinjt fierak që jetojnë në Tiranë

Posted: 05 Apr 2017 06:41 AM PDT

Të rinjtë e sotëm do të përbëjnë një gjeneratë akoma më të suksesshme në politikë. Në një takim me të rinjt nga Fieri që studiojnë në Tiranë, kryetari i Lëvizjes Socialiste për Integrim, Ilir Meta, u shpreh se përfshirja e të rinjve në parlamentin dhe në qeverisjen e ardhshme është e vetmja rrugë për të ndryshuar jetën politike të vendit. Duke vlerësuar angazhimin e të rinjve në politikë, të cilët japin ide të reja për zhvillimin e vendit, kryetari i Lëvizjes socialiste për Integrim theksoi potencialin e madh që ka rinia e që duhet t'i japë një dinamikë tjetër të ardhmes së vendit.

Orkestra e RTSH, prova për koncertin e së premtes

Posted: 05 Apr 2017 06:33 AM PDT

Nisi ta dirizhonte Orkestrën Simfonike të Radiotelevizionit Shqiptar që në vitin 1977 dhe me po aq pasion ai rivjen nën drejtimin e saj edhe sot pas 40 vitesh. Është fjala për dirigjentin e mirënjohur Eno Koço, baketës të të cilit i është besuar koncerti i radhës së Orkestrës sonë. Këtë herë, Koço do ta drejtoje atë gjatë interpretimit për herë të parë të veprës Epos të kompozitorit Vaso Tole, simfonisë numër 1 të belgut Cesar Franc dhe koncertin për violinçel dhe orkestër të francezit Kamil Saint Saëns. Solist i kësaj të fundit, do të jetë violinçelisti Aristidh Prosi, të cilin dirigjenti Koço e cilëson si një nga instrumentistët më të mirë në Shqipëri. Përsa i përket orkestrës, dirigjenti Koço jep vlerësime të larta jo vetëm për lojën e saj, por edhe korrektësinë dhe disiplinën e instrumentistëve. Koncerti i radhës së stinës artistike për Orkestrës e Radio televizonit shqiptar do të jetë të premten në sallën e Universitetit të arteve.

BB: Plakja e popullsisë kërcënim për forcën punëtore

Posted: 05 Apr 2017 06:13 AM PDT

Shqipëria rezulton një nga dy vendet me rënien më të madhe të forcës punëtore në Ballkan gjatë 5 viteve të fundit për shkak të plakjes së popullsisë por edhe emigrimit të lartë. Raporti i bankës botërore mbi pritjet në tregun e punës në vendet e ballkanit perëndimor, tregon se krahasuar me vitin 2010, shqiptarët në moshë pune nga 15 deri 64 vjeç, janë pakësuar me 7 përqind. Por çfarë pasojash sjell për ekonominë ky fenomen? "Tkurrja e popullsisë në moshë pune nënkupton një rritje më të ulët të prodhimit të brëndshëm bruto në të ardhmen, nëse nuk kompensohet me rritje të produktivitetit të punës. Për më tepër rritja e vazhdueshme e raportit të varësisë në vitet e ardhshme do të sjellë pasoja në sistemin fiskal, si dhe vendosjen e një barre mbi sistemet e mirëqënies sociale" thotë raporti i BB. Sipas Bankës Botërore, popullsia e Ballkanit në këto kohë është tkurrur me 246 mijë njerëz pasi i gjithë rajoni po përballet me stanjacion demografik i prirur nga emigrimi dhe ulja e numrit të lindjeve. Me përjashtim të Kosovës që ka rritje të popullsisë, vendet e tjera regjistrojnë rënie të forta.

Panariti: Besoj te kompromisi politik

Posted: 05 Apr 2017 05:58 AM PDT

Ministri i bujqësisë Edmond Panariti, eksponent mjaft i rëndësishëm i LSI i vlerëson mjaft pozitive zhvillimet e orëve të fundit në kampet politike, ndërsa dialogun si rrugën e vetme të zgjidhjes së situatës së krijuar prej afro një muaji e gjysëm: "Nuk ka rrugë tjetër vetëm se ulja në tryezë, shkëputja nga retorika agresive, nga retorika paragjykuese, nga pozicionet e ngurta të cilët nuk i shërbejnë frymës së dialogut. Të jeni të sigurt që të gjithë palët janë të ndërgjegjshme që në fund të fundit do të duhet të ulen në tryezë për të gjetur një zgjidhje ku të mos kemi as fitimtarë as triumfues apo të humbur. E rëndësishme është që të fitoje shqipëria, të fitoje stabiliteti, të fitojnë proçeset e integrimit të shqipërisë në BE" tha Panariti. Ministri Panariti iu përgjigj interesit të gazetarëve, pas një workshopi të organizuar në Korçë, me fokus mundësitë e bashëpunimit mes Shqipërisë e Greqisë në fushën e bujqësisë.

PE voton “linjat e kuqe” të marrëdhënieve me BM pas BREXIT

Posted: 05 Apr 2017 05:31 AM PDT

Të mbledhur në seancë plenare në Strasburg, eurodeputetët miratuan me shumicë votash me 516 vota pro dhe 133 kundër një rezolutë që vendos disa linja të kuqe për këto negociata. Parlamenti evropian miratoi sot me shumicë votash linjat e kuqe për negociatat e Brexit. Në një nga pikat, lidhur me të ardhmen e marrëdhënieve me Britaninë e Madhe, refuzohet që një marrëveshje, veçanërisht tregtare, të mund të arrihet para se Londra të tërhiqet nga BE. "Ne dëshirojmë të japim një mesazh të qartë nga uniteti i BE-së", theksoi sot Manfred Weber, kreu i PPE (Partia Popullore evropiane, e djathtë), grupi kryesor politik i Parlamentit Evropian. "Londra duhet të kuptojë se nuk do të jetë e mundur të ndryshojë qendrimin evropian", nënvizoi eurodeputeti gjerman. "Votimi është pikënisja e një negociate të vështirë dhe komplekse për të përcaktuar kushtet e largimit të Britanisë së Madhe", nënvizoi presidenti i Parlamentit Evropian, italiani, Antonio Tajan. Rezoluta që u miratua në Strasburg mori mbështetjen e PPE-së dhe grupit socialist dhe demokrat (S&D), liberalëve të ALDE, të Gjelbërve dhe të GUE (e majta radikale evropiane).