Home » » RTSH: “Kriza politike, nisin përpjekjet për zgjidhjen e krizës” plus 3 more

RTSH: “Kriza politike, nisin përpjekjet për zgjidhjen e krizës” plus 3 more

RTSH: “Kriza politike, nisin përpjekjet për zgjidhjen e krizës” plus 3 more

Kriza politike, nisin përpjekjet për zgjidhjen e krizës

Posted: 15 Apr 2017 12:01 PM PDT

Burime të besueshme informacioni nga maxhoranca dhe opozita, bëjnë të ditur se palët kanë ndërmarrë hapa konkretë për të mundësuar një takim mes kreut të PS dhe kryeministrit Rama dhe kreut të PD Basha, takim i cili do të synojë zgjidhjen e krizës politike në vend. Përfaqësuesi i maxhorancës, deputeti socialist Taulant Balla dhe përfaqësuesit i opozitës, deputeti demokrat Oerd Bylykbashin, janë takuar të premten mes tyre. Sipas njoftimeve palët kanë prezantuar qendrimet tashmë të njohura. Zoti Bylykbashi ka deklaruar qëndrimin e palëkundur të opozitës për largimin e qeverisë Rama dhe krijimin e një qeverie teknike, ndërsa zoti Balla ka këmbëngulur tek dialogu pa kushte mes palëve.
Ky ishte takimi i parë i cili, shpresohet të ndiqet edhe nga të tjerë. Ka shenja se zgjedhja e presidentit të ri të vendit në seancën e planifikuar më 19 prill, mund të jetë një rast i mirë që palët të vendosin ura bashkëpunimi. Ndërsa më parë maxhoranca ishte shprehur se presidenti i ri i takonte koalicionit PS- LSI, tashmë po flitet se ajo do të kërkojë edhe konsensusin e opozitës.
Ndërkaq pritet që ditët e ardhshme të intensifikohet edhe ndërhyrja e ndërkombëtarëve. Në fillimjavë në Tiranë pritet të mbërrijë ministri i jashtëm gjerman Sigmar Gabriel, i cili mendohet se do të ketë mesazhe të drejtëpërdrejta për të dy palët. Deri tani reagimet e ndërkombëtarëve kanë qenë këshilla të forta ndaj PD që ajo të kthehej në parlament, të votonte reformën në drejtësi dhe të merrte pjesë në zgjedhje.

Kukësi rimerr kryesimin, Partizani një ndeshje më pak

Posted: 15 Apr 2017 11:55 AM PDT

JAVA 29

 

DATA QYTETI ORA NDESHJA REZ
15.04.2017 Korçë 16:00 Skënderbeu – Korabi 3 – 0
Jashnica 10′, Salihi 62′, Nimaga 64′
15.04.2017 Tiranë 19:00 Tirana – Laçi 0 – 0
15.04.2017 Durrës 19:00 Teuta – Kukësi 0 – 2
Pejic 55′ (penallti), Pejic 79′
16.04.2017 Gjirokastër 16:00 Luftëtari – Flamurtari –
16.04.2017 Shkodër 19:00  * Vllaznia – Partizani –

* Në RTSH

NR. SKUADRA NDE. FIT. BAR. HUM. GSH. GPË. + / – PIKË
1. Kukësi 29 15 14 0 38 13 25 59
2. Partizani 28 16 10 2 31 10 21 58
3. Skënderbeu 29 16 8 5 31 14 17 56
4. Luftëtari 28 9 9 10 27 35 -8 36
5. Vllaznia 28 8 12 8 22 21 1 36
6. Tirana 29 6 14 9 23 23 0 32
7. Teuta 29 8 8 13 19 25 -6 32
8. Laçi 29 7 8 14 14 26 -12 29
9. Flamurtari 28 8 7 13 32 31 1 25
10. Korabi 29 2 6 21 9 48 -39 12

Flamurtari -6 pikë

Pashkët, udhëheqësit fetarë thirrje për paqe, qetësi e dialog

Posted: 15 Apr 2017 08:27 AM PDT

Festa e Pashkëve ka qenë një rast i mirë që krerët e besimeve të krishtera fetare në Shqipëri, të përçojnë veç urimeve edhe thirrje për paqe, qetësi e dialog në kampet e politikës.
Arqipeshkvi i dioqezës Tiranë-Durrës, imzot Gjergj Frendo tha se e mira e kombit qëndron mbi partitë. “Në emrin e Krishtit dëshiroj tu komunikoj të gjithë politikanëve sot, se rruga për zgjidhjen e krizës së tanishme qëndron vetëm në dialogun, në veçoritë e dialogut gjatë të cilit të dyja palët lypset jo vetëm të flasin, por edhe të dëgjojnë me përgjegjësi dhe pjekuri të plotë për të finalizuar më shumë të mirën e kombit sesa të mirën e partisë” tha imzot Frendo.
Për kryepeshkopin Anastas Janullatos çdo ditë duhet të jetohet me ngazëllimin paskal. “Triumfi i ngjalljes se Jezu Krishtit mbi padrejtesinë ,dhunën, mëkatin mbush zemrat tona përsëri me ngazëllim. Le ta jetojme çdo ditë me ngazëllim paskal i cili nuk injoron realitetin e ashpër të jetës, por e tejkalon dhe trasformon me hirin dhe fuqinë e Krishtit, ripërtëritje që buron nga ngazëllimi paskal” tha kryepeshkopi Janullatos.

Meta: Të kërkojmë ndihmën e PPE për dialog; Basha: Pa qeveri teknike nuk ka zgjedhje në Shqipëri!

Posted: 15 Apr 2017 03:59 AM PDT

Në Shqipëri dy partitë kryesore të koalicionit të majtë në pushtet, PS-LSI, kanë vendosur ti kërkojnë Partisë Popullore Europiane ndihmë për të vendosur një dialog pa kushte me opozitën e djathtë,  që vendi të shkojë i qetë drejt zgjedhjeve të përgjithshme të 18 qershorit . Pas një takimi të shtunën mes kreut të PS-së Edi Rama dhe atj të LSI Ilir Meta, ky i fundit njoftoi se shpresojnë që ky ngërç të marrë fund sa më shpejt. “Duke e kuptuar vështirësinë e opozitës për të pasur mos besim, kemi vendosur ti drejtohemi zyrtarisht Partisë Popullore Europiane ku PD është anëtare që të asistojë sa më shpejt të jetë e mundur në këtë dialog në mënyrë që ky ngërç të marrë fund sa më shpejt dhe vendi të shkojë drejt zgjedhjeve të lira e të qeta” tha zoti Meta.
Por reagimi i opozitës së djathtë ka qenë i menjëhershëm. Kreu i PD Lulzim Basha tha se pa qeveri teknike nuk ka zgjedhje në Shqipëri. “Meqë PS e LSI i paskan zgjidhur punët me njëri-tjetrin dhe paskan dalë me platformë që do i kërkojnë PPE-së të ndihmojnë negociatat po ju them: Kërkojeni ku të doni, por pa qeveri teknike nuk ka zgjedhje në Shqipëri” tha zoti Basha. “Kjo qeveri duhet të shkulet me rrënjë. Kjo qeveri duhet të shkulet me rrënjë nga kryeministri e çdo ministër duhet e do të largohen. Ju keni një hapësirë, kundërshtarë” shtoi më tej ai.