Home » » “Qeveria teknike/ Zbardhen 4 kushtet e opozitës” plus 9 more GazetaBlic

“Qeveria teknike/ Zbardhen 4 kushtet e opozitës” plus 9 more GazetaBlic

“Qeveria teknike/ Zbardhen 4 kushtet e opozitës” plus 9 more GazetaBlic

Qeveria teknike/ Zbardhen 4 kushtet e opozitës

Posted: 05 Apr 2017 11:10 PM PDT

Zbardhen detajet nga takimi i liderit të opozitës me aleatët dhe propozimet e krerëve të partive opozitare në tryezën me dyer të mbyllura.

Kryetari i opozitës, Lulzim Basha, thirri në një tjetër mbledhje aleatët e opozitës për të diskutuar në lidhje me ofertën për dialog nga Kryeministri Rama dhe propozimin e kreut të LSI-së për një qeveri besimi. Takimi i Bashës erdhi pasi nga çadra njoftoi se maxhoranca po përgatitej për një dialog fasadë dhe për një ofertë për t'i dhënë poste të larta si garanci për zgjedhjet e ardhshme opozitës. Njësoj siç deklaroi nga çadra me protestuesit edhe gjatë mbledhjes me dyer të mbyllura, kreu i PDsë mësohet të ketë deklaruar se është i vendosur të mos pranojë asnjë ofertë politike nga maxhoranca përveç krijimit të një qeverie teknike pa Ramën Kryeministër. Burime të besueshme për "Panorama" nga tryeza me dyer të mbyllura e opozitës kanë bërë me dije se gjatë takimit, disa prej aleatëve kanë ofruar edhe alternativa se si mund të funksionojë një qeveri teknike.

Aleatët kanë propozuar ide mbi postet për të cilat opozita duhet të marrë garanci për të qenë pjesë e zgjedhjeve të ardhshme parlamentare. Sipas burimeve, garancinë kryesore opozita e kërkon nga Policia e Shtetit, duke synuar që Ministria e Brendshme të drejtohet nga një profil teknik. Gjatë takimit të Bashës me aleatët është diskutuar edhe në lidhje me kryeministrin që do të duhet ta drejtojë qeverinë teknike deri në zgjedhjet parlamentare, por pa propozime mbi emra konkretë. Në një qëndrim të unifikuar, pjesa më e madhe e aleatëve kanë kërkuar që kryeministri i ri që do të udhëheqë qeverinë teknike, të jetë një figurë jopolitike dhe i ardhur nga fusha akademike. Të njëjtin propozim aleatët e koalicionit opozitar e kanë bërë edhe në lidhje me përfaqësuesit e tjerë që do të jenë pjesë e kabinetit të kësaj qeverie, që do të kërkohet të jetë me mbështetje të gjerë politike.

KUSHTET

Gjatë takimit, kreut të opozitës Basha i është kërkuar që në rast se do të zhvillohet një takim me përfaqësi të gjerë politike, pjesë e takimit të jenë edhe disa prej aleatëve të koalicionit opozitar.

Disa prej aleatëve në mbledhje kanë ngritur dyshime mbi besueshmërinë e qëndrimeve të mbajtura nga kreu i LSI-së Meta, duke kërkuar garanci të forta për opozitën në zgjedhjet e ardhshme. Përmes një deklarate të përbashkët dy ditë më parë, koalicioni opozitar doli me një qëndrim të unifikuar në lidhje me krijimin e qeverisë teknike.

"Koalicioni opozitar shpreh gatishmërinë e plotë për të punuar me të gjitha forcat politike pa asnjë paragjykim, për krijimin e qeverisë teknike, duke i dhënë asaj një mandat të fortë për:

1. Zbatimin e plotë të ligjit të dekriminalizimit.

2. Luftë efikase kundër narkotrafikut, krimit të organizuar dhe parave të drogës.

3. Përgatitjen e zgjedhjeve të lira e të ndershme.

4. Zbatimin e Reformës në Drejtësi, sipas përcaktimeve kushtetuese të 22 korrikut", thuhet në deklaratën e përbashkët të koalicionit opozitar.

The post Qeveria teknike/ Zbardhen 4 kushtet e opozitës appeared first on GazetaBlic.

SHBA-ja nxjerr në det aeroplanmbajtësen më të avancuar të prodhuar ndonjëherë (FOTO)

Posted: 05 Apr 2017 11:08 PM PDT

Marina amerikane ka nxjerrë në det aeroplanmbajtësin më të ri dhe më të avancuar që është prodhuar ndonjëherë, i quajtur s"USS Gerald R. Ford"

Anija dhe ekuipazhi kanë përfunduar tashmë disa prova detare pranë Virginias, dhe do të dalin në det të hapur më vonë këtë javë për të provuar më funksionet e saj themelore, shkruan "Buisiness Insider".

Ford, anija e parë e llojit të saj,  premton të sjellë aftësitë e reja të pakrahasueshme krahasuar me luftanijet e zakonshme , duke filluar nga nisja apo ulja e avionëve në det, zbulimin e armiqve dhe kërcënimeve si dhe gjenerimin e fuqive bërthamore për të akomoduar armët e së ardhmes.

Ford ishte përcaktuar të dilte në vitin 2009, por anija është përballur me dështime të përsëritura dhe të kushtueshme, duke e cuar koston e prodhimit në 13 miliardë dollarë.

The post SHBA-ja nxjerr në det aeroplanmbajtësen më të avancuar të prodhuar ndonjëherë (FOTO) appeared first on GazetaBlic.

Banka Botërore paraqet raportin e ri ekonomik

Posted: 05 Apr 2017 11:03 PM PDT

Raporti ekonomik përfshinë vendet e Ballkanin Perëndimor

Zyra e Bankës Botërore në Kosovë mban konferencë, ku do të prezentohet raporti më i ri ekonomik i Bankës Botërore për Ballkanin Perëndimor.

Raporti i Rregullt Ekonomik mbulon zhvillimet, gjasat dhe politikat ekonomike në Kosovë dhe në pesë vendet tjera të Ballkanit Perëndimor. Hartohet dy herë në vit nga ekonomistët e Bankës Botërore që punojnë në vendet e rajonit.

Konferenca për gazetarë do të kryesohet nga Drejtoresha e Bankës Botërore për Ballkanin Perëndimor, Ellen Goldstein, nëpërmjet video-lidhjes nga Zyra e Bankës Botërore në Shkup dhe menaxheri i Bankës Botërore për Kosovë, Marco Mantovanelli.

The post Banka Botërore paraqet raportin e ri ekonomik appeared first on GazetaBlic.

Lista Serbe përçahet për pushtet!

Posted: 05 Apr 2017 10:51 PM PDT

Serbët e Kosovës kanë nisur një luftë mes vete për kreun e subjektit kryesor politik që kanë – Listën Serbe (LS), shkruan sot Koha Ditore.

Në dyluftim janë Aleksander Jablanoviq e Slavko Simiq.

Këtë javë, Komisioni Qendror i Zgjedhjeve (KQZ) e ka zyrtarizuar për kryetar ish-ministrin për Komunitete dhe Kthim në Qeverinë e Kosovës, Jablanoviq, të cilin kryeministri Isa Mustafa e kishte shkarkuar nga posti ministror, shkaku i një deklarate fyese ndaj nënave gjakovare të të pagjeturve të luftës. Ish-ministri është themelues i Listës Serbe, subjekt politik që mban lidhje të forta me Serbinë. Kryetar ka qenë deri në fund të 2015-s, kur me kërkesë të Qeverisë së Serbisë është larguar dhe në vend të tij, si ushtrues detyre i kryetarit, ishte caktuar deputeti Simiq, i cili është shef i grupit parlamentar të LS-së.

The post Lista Serbe përçahet për pushtet! appeared first on GazetaBlic.

Moti sot në Kosovë

Posted: 05 Apr 2017 10:40 PM PDT

Moti sot në Kosovë, e enjte 6 prill 2017 parashikohet të jetë kryesisht me vranësira dhe reshje shiu në disa vende.

Era do fryj nga Jug-Perëndimi 10 deri 30 km/h.

Ndërkohë parashikohet që temperaturat minimale do të lëvizin nga 7-C ndërsa ato maksimale pritet të arrijnë deri 18-C.

The post Moti sot në Kosovë appeared first on GazetaBlic.

Pianistja kosovare rrënqeth ambasadorin Delawie

Posted: 05 Apr 2017 10:39 PM PDT

Dea Bajrami, vitin e kaluar ishte fituese e festivalit "Pianisti i ri", ku në kuadër të kësaj pati rastin të performoj në festivalin DAM, bashkë me Filharmoninë e Kosovës nën dirigjimin e dirigjentit Noorman Widjaja

Ambasadori i Shteteve të Bashkuara të Amerikës në Kosovë, Greg Delawie ka uruar Dea Bajramin si pianiste më të mirë të vitit 2016.

"Rrëqethem kur e shoh talenten e re të Kosovës Dea Bajrami duke performuar në Filarmoninë e Kosovës si pianistja më e mirë për vitin 2016", shkroi në Twitter ambasadori Delawie, përcjell KultPlus.

Dea Bajrami, vitin e kaluar ishte fituese e festivalit "Pianisti i ri", ku në kuadër të kësaj pati rastin të performoj në festivalin DAM, bashkë me Filharmoninë e Kosovës nën dirigjimin e dirigjentit Noorman Widjaja.

The post Pianistja kosovare rrënqeth ambasadorin Delawie appeared first on GazetaBlic.

Arkeologu zviceran prezanton guidën e re arkeologjike të Shqipërisë

Posted: 05 Apr 2017 10:38 PM PDT

“Ein Neuer Archäologieführer für Albanien -Das Making Of" (Një guidë e re arkeologjike për Shqipërinë – Making-of) quhet projekti i cili ende nuk është shtypur si libër, botues dhe bashkautor i të cilit është Christian Zindel.

Për ditën e mbajtjes së kuvendit të saj, më 6 prill, në Cyrih shoqata "Zvicër-Shqipëri" kishte paraparë edhe promovimin e romanit në gjuhën gjermane "Hana", të shkrimtares së njohur shqiptare me qëndrim në Zvicër, Elvira Dones. Ajo kishte paralajmëruar edhe praninë e saj në këtë aktivitet. Albinfo.ch pati njoftuar lexuesit e vet për këtë promovim. Por pak ditë para kuvendit, shkrimtarja, për shkak të terminëve tjerë të rëndësishëm, e ka anuluar promovimin dhe pjesëmarrjen në Cyrih.

E përballur me këtë të papritur, shoqata ka siguruar promovimin e një projekti tjetër në kuvendin e saj. Arkeologu dhe njohësi i Shqipërisë, Christian Zindel është treguar i gatshëm të ndërlidhet në këtë aktivitet dhe të prezantojë një projekt të tijin shumë interesant, njofton shoqata.

"Ein Neuer Archäologieführer für Albanien -Das Making Of" (Një guidë e re arkeologjike për Shqipërinë – Making-of) quhet projekti i cili ende nuk është shtypur si libër, botues dhe bashkautor i të cilit është edhe z. Zindel. Në promovimin e këtij projekti, arkeologu i njohur do të tregojë për konceptet, qëndrimet dhe debatet në mes të autorëve, që i kanë paraprirë shkrimit të projektit. Autorët, të cilët janë ekspertë të shquar dhe njohës të Shqipërisë me këtë rast ndjekin shtigje të reja. Kështu, ata prezantojnë, në mënyrë objektive dhe pa falsifikime ideologjike një vështrim të thelluar të vendeve e monumenteve më të rëndësishme dhe më pak të njohura të Shqipërisë, që nga Koha e Gurit e deri në vitin 1912.

Zindel do të paraqesë pamje interesante që nga pikturat në shkëmbinj nga parahistoria, deri te fotografitë nga Fototeka Marubi në shekullin 19. Kuvendi i shoqatës mbahet të enjten, më 6 prill, me fillim në orën 19:00. Ndërsa prezantimi i projektit të z. Zindel fillon nga ora 20.30. Vendi: Zürich, Restaurant Illyria, Herdernstrasse 56 (te Stadiumi Letzigrund).

The post Arkeologu zviceran prezanton guidën e re arkeologjike të Shqipërisë appeared first on GazetaBlic.

Komisioni “joserioz” vazhdon t’i mbajë mbledhjet e mbyllura

Posted: 05 Apr 2017 10:38 PM PDT

Edhe një mbledhje e Komisionit parlamentar për stabilizim–asociim është mbajtur pa praninë e mediave. Ato janë lejuar të marrin pamje në minutat e parë të takimit, siç ka qenë paralajmëruar në njoftimin për takimin në ueb faqen e Kuvendit të Kosovës, shkruan sot Koha Ditore.

Në këtë mbledhje kanë raportuar katër ministra, ajo e Drejtësisë, Dhurata Hoxha, ministrja për Integrime Evropiane, Mimoza Ahmetaj, ajo e Tregtisë dhe Industrisë, Hykmete Bajrami, dhe ministri i Zhvillimit Ekonomik, Blerand Stavileci.

Një mbledhje pa praninë e mediave, ku kanë raportuar ministri i Jashtëm, Enver Hoxhaj, dhe ministri i Mjedisit dhe Planifikimit Hapësinor, Ferat Shala, i njëjti komision e ka zhvilluar edhe të hënën e kësaj jave.

 

The post Komisioni "joserioz" vazhdon t'i mbajë mbledhjet e mbyllura appeared first on GazetaBlic.

Insituti i Mjekësisë Ligjore: Vdekja e Makollit, jo e dhunshme

Posted: 05 Apr 2017 10:35 PM PDT

Ekipi i Institutit të Mjekësisë Ligjore po e vazhdon punën për të dalë me raportin për rrethanat e vdekjes së Naser Makollit në burgun e Lipjanit.

Pas ekzaminimit fillestar, KTV-ja mëson se mjeko-ligjorët kanë ardhur në përfundim se vdekja e të burgosurit nuk ishte e dhunshme.

Ekipi i Institutit që po merret me këtë rast përbëhet nga Musa Gashi, Ditor Haliti dhe Vesa Kotorri.

Rezultatet finale të këtij instituti mund të marrin edhe së paku 2 javë.

The post Insituti i Mjekësisë Ligjore: Vdekja e Makollit, jo e dhunshme appeared first on GazetaBlic.

Banka Botërore paraqet raportin e ri ekonomik për Ballkanin Perëndimor

Posted: 05 Apr 2017 10:28 PM PDT

Zyra e Bankës Botërore në Kosovë mban konferencë, ku do të prezentohet raporti më i ri ekonomik i Bankës Botërore për Ballkanin Perëndimor.

Raporti i Rregullt Ekonomik mbulon zhvillimet, gjasat dhe politikat ekonomike në Kosovë dhe në pesë vendet tjera të Ballkanit Perëndimor. Hartohet dy herë në vit nga ekonomistët e Bankës Botërore që punojnë në vendet e rajonit.

Konferenca për gazetarë do të kryesohet nga Drejtoresha e Bankës Botërore për Ballkanin Perëndimor, Ellen Goldstein, nëpërmjet video-lidhjes nga Zyra e Bankës Botërore në Shkup dhe menaxheri i Bankës Botërore për Kosovë, Marco Mantovanelli.

The post Banka Botërore paraqet raportin e ri ekonomik për Ballkanin Perëndimor appeared first on GazetaBlic.