Home » » Ora News: “Kuvendi diskuton sot tre pr/ligje të tjera të drejtësisë” plus 9 more

Ora News: “Kuvendi diskuton sot tre pr/ligje të tjera të drejtësisë” plus 9 more

Ora News: “Kuvendi diskuton sot tre pr/ligje të tjera të drejtësisë” plus 9 more

Kuvendi diskuton sot tre pr/ligje të tjera të drejtësisë

Posted: 06 Apr 2017 12:27 AM PDT

Kuvendi i Shqipërisë do të mbajë sot seancën plenare, ku pritet të diskutojë të enjten tre pr/ligje të tjera nga paketa prej 27 ligjesh, që mbështet riorganizimin e përgjithshëm që po i bëhet sistemit të drejtësisë në vend, ne zbatim të reformës kushtetuese.

Në rendin e ditës janë diskutimi i shtesave dhe ndryshimeve në ligjin "Për deklarimin dhe kontrollin e pasurive, të detyrimeve financiare të të zgjedhurve dhe të disa nënpunësve publikë", ndryshimet në ligjin "Për masat kundër financimit të terrorizmit" si dhe ato në ligjin "Për parandalimin e pastrimit të parave dhe financimit të terrorizmit".

Në ndryshim nga 7 ligjet e miratuara një javë më parë të cilat kërkonin shumicë të cilësuar prej 84 votash për miratim, projektligjet e sotme miratohen me shumicë të thjeshtë.
/Oranews.tv/

Të parët për lajmin e fundit. Ndiqni Oranews.tv në Facebook dhe në Twitter

Gjermania ndalon martesat e minorenëve

Posted: 06 Apr 2017 12:26 AM PDT

Qeveria gjermane miratoi sot një projektligj që ndalon martesat e minorenëve, i rritur ndjeshëm me mbërritjen e një milion refugjatëve në dy vjet.

Ky projektligj, nga ministri socialdemokrat i Drejtësisë, Heiko Maas dhe miratuar nga Këshilli i Ministrave, parashikon të mbrojë fëmijët, viktima të martesave të deyruara, veçanërisht vajzat dhe adoleshentët e martuar me persona në moshë shumë më të mëdhe se ata.

Legjislacioni i ri do të aplikohet gjithashtu për martesat e minorenëve të lidhura me kontratë ligjërisht jashtë vendit dhe parashikon që një vajzë do të mund të ndahet nga bashkëshorti për t'iu besuar shërbimeve sociale.

"Një riforcim i dispozitave ligjore aktuale është i nevojshëm, veçanërisht për martesat e lidhura me kontratë jashtë vendit", theksoi ministri i Drejtësisë, Heiko Maas.

Qeveria ka regjistruar 1 475 minorenë të huaj të martuar, 361 prej të cilëve akoma nuk kishin arritur moshën 14 vjeç. Rreth gjysma e këtyre minorenëve janë me origjinë nga Siria, të tjerët vijnë kryesisht nga Afganistani (157) dhe Iraku (100).

/ATA/

Të parët për lajmin e fundit. Ndiqni Oranews.tv në Facebook dhe në Twitter

Sherr tek ish markata e Kukësit, tregtari godet me sëpatë kolegun

Posted: 06 Apr 2017 12:21 AM PDT

Një 46 vjeçar është arrestuar pasi ka goditur në kokë me sëpatë një 55 vjeçar. Sherri është shënuar dje në vendin e quajtur ish markata e mishit në Kukës.
Policia arrestoi Shaqir Pecën , banues në Kukës ndërsa i plagosuri pasi ka marrë ndihmën e parë në spitalin e Kukësit është dërguar për mjekim të specializuar në spitalin e Traumës në Tiranë.

Policia e Kukësit informon: "Arrestimi i Shaqir Pecës është bërë pasi tek tregu i qytetit, në vendin e quajtur ish markata e mishit pas një konflikti për motive të dobëta, ka goditur me mjete të forta në kokë shtetasin Sh.P, 55 vjec banues në fshatin Osmanaj të Kukësit"
Dy shtetasit ishin tregtarë dhe sherri ka qenë për konflikte interesi.

Materialet I kalauan Prokurorisë për akuzën "Plagosje e rëndë me dashje" dhe mbajtje pa leje e armëve të ftohta".

/Oranews.tv/

Të parët për lajmin e fundit. Ndiqni Oranews.tv në Facebook dhe në Twitter

Në kërkim vëllezërit nga Saranda që i dhanë makinën bullgares

Posted: 06 Apr 2017 12:21 AM PDT

5.6 kg është sasia e kanabisit me të cilën u kap në pikën kufitare të Qafë Thanës një ditë më parë shtetesja bullgare Maria Piskova Kurtanovic, 28 vjeçe, banuese në Pazarxhik Pllavdiv.

Lënda narkotike u gjet në pjesën e prapakolpit të automjetit tip”Mercedes-Benz” me targa BL987TS me të cilin po udhëtonte e reja bullgare, e ndarë në 21 pako.

"Nisur nga dyshimet e shfaqura, ky mjet u përzgjodh nga shërbimet e Policisë Kufitare, për verifikim në vijën e dytë, ku në bashkëpunim edhe me strukturat e Doganës u krijuan dyshime se në të mund të ishte fshehur lëndë e dyshuar narkotike.Gjatë kontrollit të ushtruar, konkretisht në pjesën e prapakolpit të këtij mjeti u konstatuan dhe sekuestruan në cilësinë e provës materiale 21 pako të mbështjella me letër natriban me peshë 5,6 kg lëndë e dyshuar si narkotike Cannabis Sativa".

Policia ka shpallur në kërkim dy vëllezër nga Saranda K.N 42 vjeç dhe S.N 54 vjeç, pasi

dyshohet se këta shtetas i kanë dhënë në përdorim mjetin tip "Benz" me targa BL 987 TS, me të cilin u kap shtetasja bullgare.

Në cilësinë e provës materiale u bllokuan:

-21 pako me peshë 5,6 kg lëndë e dyshuar si narkotike Cannabis Sattiva

-Mjeti tip "Benz" me targa BL 987 TS

-70 Euro

-1 aparat celular

Materialet i kaluan Prokurorisë të Krimeve të Rënda në Tiranë për veprën penale "Trafikimi i narkotikëve kryer në bashkëpunim, mbetur në tentativë".

/Oranews.tv/

 

Të parët për lajmin e fundit. Ndiqni Oranews.tv në Facebook dhe në Twitter

Emigrantët, Juncker: Austria të marrë pjesë në rishpërndarjen

Posted: 05 Apr 2017 11:59 PM PDT

Presidenti i Komisionit Evropian, Jean Claude Juncker, ka hedhur poshtë kërkesën e kancelarit austriak Christian Kern për përjashtimin e Austrisë nga skema e zhvendosjes së emigrantëve.

Përmes një letre, Juncer shprehet se: “Unë jam i bindur se Austria në përputhje me detyrimet e saj ligjore do të fillojë me rishpërndarjen e azilkërkuesve nga Italia dhe Greqia. Komisioni është i gatshëm për të diskutuar sesi mund të ndihmojë autoritetet austriake për të përmbushur gradualisht detyrimet e tyre. Sigurisht që ne marrim parasysh solidaritetin që Austria ka treguar në të kaluarën”.

Në vijim të letrës tre faqëshe, Presidenti i Komisionit Evropian thotë se kupton shqetësimin e palës austriake lidhur me këtë çështje, por kujton se situata ka ndryshuar.

“Unë e kuptoj shqetësimin dhe frikën tuaj, por unë dua të theksoj se situata ka ndryshuar”, shkruan Juncer duke kujtuar masat e marra si ngritja e Agjencisë Evropiane për rojet bregdetare dhe rojet e kufirit dhe se sipas tij pikat e nxehta në Itali dhe Greqi  tashmë janë “plotësisht funksionalë.”

/Oranews.tv/

Të parët për lajmin e fundit. Ndiqni Oranews.tv në Facebook dhe në Twitter

Grabiten zyrat e një firme private në Fushë Prezë

Posted: 05 Apr 2017 11:58 PM PDT

Persona të armatosur kanë grabitur zyrat e një firme private në Fushë Prezë gjatë orëve të para të mëngjesit.

Sipas informacionit paraprak grabitësit kanë qenë 4 dy prej tyre prej tyre dyshohet të kenë qënë të armatosur.

“Ata kanë hyrë brenda rrethimit dhe kanë arritur të neutralizojnë rojet, ndërkohë që dy personat e tjerë, kanë kontrolluar zyrat e kësaj firme. Këta shtetas kanë arritur të marrin një shumë monetare prej 70.000 lekësh” informon policia e Tiranes ne oren 08:50 të mëngjesit të sotëm

Në orën 04: 23 të mëngjesit të 6 prillit ka ardhur një telefonatë tek Nr. 112, nga salla operative e një firme Sh.P.S.F.-je (polici private) se në Fushë Prezë, tek një firmë kanë hyrë 4 persona të armatosur.

Grupi hetimor po punon për identifikimin dhe kapjen e autorëve të kësaj ngjarje.

/Oranews.tv/

Të parët për lajmin e fundit. Ndiqni Oranews.tv në Facebook dhe në Twitter

 Një nënë tërheqëse si Heidi Klum

Posted: 05 Apr 2017 11:49 PM PDT

Supermodelja e famshme Heidi Klum është dhe nëna e katër fëmijëve. Edhe pse është një nënë e përkushtuar ndaj fëmijëve të saj, ajo ka një fizik atraktiv. Siç shihet modelja po shijon pushimet me fëmijët e saj  në Turks dhe Caicos të Karaibeve. Ajo ka treguar format perfekte trupore me bikinit e saj bardh e zi.

Heidi Klum po dëshmon se mosha është vetëm një numër i parëndësishëm.

Të parët për lajmin e fundit. Ndiqni Oranews.tv në Facebook dhe në Twitter

Sulm kimik? Rusia: Lajm i rremë; Trump: Ndryshova mendim ndaj Assad

Posted: 05 Apr 2017 11:40 PM PDT

Shtetet e Bashkuara dhe Rusia vijojnë të kenë qendrime të kundërta rreth sulmit me armë kimike në qytetin Khan Sheikhoun të provincës Idlib në veri të Sirisë, si pasojë e të cilit humbën jetën 86 persona ndërsa u plagosën dhjetra të tjerë.

Administrata e Presidentit Trump u qëndroi akuzave të saj, duke fajësuar forcat e presidentit sirian Bashar Asad me përgjegjësi për sulmin.

Moska zyrtare i konsideron lajme të rreme. ​​Zëdhënësi i Ministrisë së Mbrojtjes ruse, gjeneral major Igor Konashenkov tha se lënda kimike u shpërnda kur avionët luftarakë sirianë bombarduan një fabrikë në të cilën rebelët po prodhonin armë kimike.

Sipas tij fabrika prodhonte armë kimike të njëjta me ato që janë përdorur në Irak dhe në Aleppo nga rebelët, ku ishin shfaqur simptoma të ngjashme me ato në Khan Sheikhoun.

Por presidenti i Shteteve të Bashkuara Donald Trump gjatë një deklarate të martën e denoncoi sulmin si një akt “të dënueshëm dhe që nuk mund të injorohet nga bota e qytetëruar”.

“Sulmi ndryshoi qëndrimin tim ndaj Assad. Ky sulm është i papranueshëm. Ajo çfarë pashë tek fëmijët dhe foshnjet pati një ndikim të madh tek unë dhe ndryshoi qëndrimin tim ndaj Sirisë dhe Asadit.Nuk është i besueshëm versioni i Rusisë” tha ai.

Një zyrtar i lartë i Shtëpisë së Bardhë deklaroi se Shtetet e Bashkuara vazhdojnë të besojnë se qeveria siriane është përgjegjëse për sulmin me armë kimike.

Në Kombet e Bashkuara, ambasadorja e presidentit Donald Trump, Nikky Haley, kërcënoi se Shtetet e Bashkuara do të ndërmerrnin veprime të njëanshme nëse bota nuk vepron.

"Kur Kombet e Bashkuara vazhdimisht dështojnë në detyrën e tyre për të vepruar kolektivisht, ka raste në jetën e shteteve, kur detyrohemi të ndërmarrim vetë veprime," deklaroi ambasadorja Haley.

Ajo foli në takimin urgjent të Këshillit të Sigurimit, ku u debatua rreth një rezolute që dënonte përdorimin e armëve kimike në Siri. Rusia, e cila ka të drejtën e vetos, është shprehur kundër rezolutës.

Udhëheqësit dhe zyrtarët në vendet e tjera, duke përfshirë Britaninë dhe Izraelin, u bashkuan me SHBA-në duke thënë se përgjegjësia binte mbi forcat e Asadit.

Edhe Turqia ka paralajmëruar Rusinë dhe Iranin se kjo është një shkelje e rëndë që  kërcënon armëpushimin.

Një zyrtar i SHBA tha se analiza e radarëve dhe vlerësime të tjera tregojnë se në kohën e sulmit në zonë fluturonin avionë sirianë.

Uashingtoni ende nuk ka arritur në përfundimin se çfarë lloji armësh kimike ishin përdorur.

/Oranews.tv/

 

Të parët për lajmin e fundit. Ndiqni Oranews.tv në Facebook dhe në Twitter

Haradinaj sërish sot përpara gjykatës në Francë

Posted: 05 Apr 2017 10:59 PM PDT

Gjykata franceze në Colmar pritet të marrë sot një vendim në lidhje me rastin Ramush Haradinaj.

​Ish- kryeministri i Kosovës dhe kryetari i partisë politike, Aleanca për Ardhmërinë e Kosovës, është ndaluar nga policia franceze më 4 janar, në bazë të një urdhër-arresti ndërkombëtar të lëshuar nga Serbia përmes Interpolit. Ai akuzohet nga drejtësia e Serbisë për krime lufte.

Nisur nga këto akuza, Prokuroria Speciale e Serbisë, pati paraqitur dhe kërkesën për ekstradimin e Haradinajt në Serbi. Pas seancave gjyqësore më 9 shkurt dhe 2 mars, tani vendimi i ri për Haradinajn do të dihet me 6 prill.

Në një bisede për Radion Evropa e Lirë, Haradinaj nuk shprehet shumë optimist se në seancën e radhës mund të ketë ndonjë vendim pozitiv për të.

"Është seancë ballafaquese. Prokurori do të paraqes të gjeturat përfundimtare, pse janë përmbushur kriteret për ekstradim në Serbi, ndërsa ne, mbrojtja do të paraqesim argumentet që kjo kërkesë është e pa bazuar, e motivuar politikisht, s’ka bazë ligjore dhe duhet të hidhet poshtë".

"Teorikisht ekziston mundësia e vendimit, por në bazë të praktikës së deritanishme të vonesave, pra, mund të pritet që vendimi të shtyhet edhe për ditë apo javë”, tha Haradinaj.

Ai ka përsëritur se pafajësia e tij është vërtetuar dy herë me proceset gjyqësore ndaj tij të zhvilluara në Tribunalin e Hagës. Haradinaj mendon se ndalesa e tij nuk ka të bëjë me asgjë tjetër, por siç thotë ai, 'krejt kjo çështje është politike'.

“Baza e ndalimit tim është krejtësisht politike. Do të thotë aktakuza burimin e ka në vitin 2014, një aktakuzë që është nisur para proceseve gjyqësore që i kam kaluar në Tribunalin e Hagës".

"Në të vërtetë këto gjëra në Francë ndodhin, procesi është gjyqësor, por baza e këtij procesi është krejtësisht politik”, tha Haradinaj.

Sidoqoftë, ai tha se respekton dhe beson në drejtësinë ndërkombëtare.

“Pra, respektoj ligjin ndërkombëtar, por nuk e njoh juridiksionin e Serbisë mbi mua. Këtë juridiksion të tashëm dhe të atëhershëm. Ne i kemi nda rrugët me të. Shikojeni absurdin, presidenti i qeverisë, i zgjedhuri ishte ministër i qeverisë së Millosheviqit në kohën kur ka ndodhur gjenocidi në Kosovë", ka thënë Haradinaj.

Asnjëri na udhëheqesit e shtetit serb, ka vijuar ai, nuk e ka kaluar ndonjë proces gjyqësor ku do të vërtetohej pastria e tyre dhe mospërfshirja në krime.

"Unë kam kaluar dy herë në instancën më të lartë të ligjit ndërkombëtar edhe sot vazhdon keqtrajtimi", ka thënë ai.

"Kjo bjen në konflikt me kërkesën që i është bërë Kosovës për Gjykatën Speciale, për pastrim. Pra, ky nuk qenka pastrim, ligji ndërkombëtar. E vetmja mënyrë për t'u pastruar shqiptarët, sipas kësaj logjike, është të na gjykojë Serbia, Beogradi", u shpreh Haradinaj.

Prishtina zyrtare, ka theksuar ai, duket të jetë e pafuqishme në rastin e tij.

Sipas Haradinajt, institucionet e Kosovës kanë marrë një pozicion inferior ndaj Beogradit edhe në dialog edhe në pozicione të tjera. /REL/

 

Të parët për lajmin e fundit. Ndiqni Oranews.tv në Facebook dhe në Twitter

Çfarë do të bëjë Ilir Meta? Ekskluzivisht sonte në Ora News

Posted: 05 Apr 2017 10:00 PM PDT

Pas deklaratës që dha në selinë e LSI, Ilir Meta, njeriu kyç i zgjidhjes së krizës politike, ka shpallur "black out"-in informativ. Por kjo nuk do të vazhdojë gjatë.

Ai ka premtuar se mbremjen e sotme në ora 21.00 në Ora News, do të japë një intervistë ekskluzive për emisionin "Arena".

Në 120 minuta, përballë Dritan Hilës, Kryetari i Kuvendit dhe shefi i LSI ka premtuar t'i japë fund gjithë dyzimeve dhe interpretimeve të deritanishme që i janë bërë deklaratave të tij.

Por gjithashtu ka premtuar se për herë të parë do të bëjë me dije qëndrimin ndaj Presidentit, kujt i takon ai dhe cili është emri që ai ka.

A do të marrë pjesë në zgjedhje pa PD, a do të kërkojë ndryshimin e sistemit zgjedhor dhe të kodit; si e mendon koalicionin parazgjedhor apo paszgjedhor; çfarë ka biseduar me Ramën dhe kushtet e tij; a ka frikë nga reforma në drejtësi dhe çfarë mendon rreth saj?

Nuk do të mungojnë përgjigjet as për raportet dhe vlerësimet për pjesëmarrjen në qeverinë Berisha dhe pastaj Rama dhe cilat janë raportet personale me Lulzim Bashën.

A do ishte i mundshëm një koalicion paszgjedhor me PD?  Gjithçka që nuk keni dëgjuar më parë, sonte në Ora News, në Arena.

/Oranews.tv/

 

 

Të parët për lajmin e fundit. Ndiqni Oranews.tv në Facebook dhe në Twitter