Home » » Lajmi.net: “Shkelje të panumërta kushtetuese” plus 8 more

Lajmi.net: “Shkelje të panumërta kushtetuese” plus 8 more

Lajmi.net: “Shkelje të panumërta kushtetuese” plus 8 more

Shkelje të panumërta kushtetuese

Posted: 07 Apr 2017 11:54 PM PDT

Akti më i lartë juridik i vendit, Kushtetuta e Kosovës, e miratuar nëntë vjet më parë po shkelet tërësisht nga vetë ata që janë të thirrur për zbatimin e saj.

Sipas ekspertëve kushtetues, aktin më të lartë juridik në vazhdimësi e kanë shkelur presidenti i Kosovës, kryeministri dhe kryeparlamentari.

Riza Smaka, i cili ka marrë pjesë në hartimin e Kushtetutës së Republikës së Kosovës, shprehet i zhgënjyer me shpërfilljen e Kushtetutës, e cila po shkelet vazhdimisht.

“Jam shumë i zhgënjyer dhe i dëshpëruar nga mospërfillja, nëpërkëmbja e Kushtetutës. Këtë nuk e përfill kryetari i Kuvendit, e nëpërkëmb kryeministri, ka raste kur është evidentuar se është shkelur Kushtetuta si në Kuvend, po ashtu edhe në Qeveri. Ekzekutivi i vendit i ka cenuar 22-23 parime, norma kushtetuese me rastin e Marrëveshjes për Asociacionin”, ka thënë ai për Zërin.

Smaka thotë se as që ka pritur nga këta liderë institucionalë ta respektojnë Kushtetutën e Republikës së Kosovës. Sipas tij, Kosova dallon shumë me shtetin e së drejtës, pikërisht për shkak të shkeljeve të tilla.

Më në fund, shikojeni çfarë do të ndodhë me Shaqirin (FOTO)

Posted: 07 Apr 2017 11:53 PM PDT

“Xherdan Shaqiri ka stërvitur këtë javë kështu që ai duhet të jetë një opsion për ne. Ky është  një lajm i mirë për ne", ka deklaruar trajneri i Stoke Cityty, Mark Hughes.

Parashikoni ndeshje të futbollit dhe fitoni dhjetëra shpërblime, duke përfshirë një iPhone 7 dhe Samsung Galaxy

Thaçi zmbrapset për ushtrinë, i kërkohet dorëheqja

Posted: 07 Apr 2017 11:51 PM PDT

brapsur nga iniciativa e tij për transformimin e FSK-së në ushtri nëpërmjet ligjit, duke kërkuar tashmë që një gjë e tillë të bëhet nëpërmjet ndryshimeve kushtetuese. Në anën tjetër, partitë opozitare kërkojnë nga ai të dorëhiqet, ashtu siç kishte premtuar.

Presidenti i Kosovës Hashim Thaçi e ka tërhequr edhe zyrtarisht nismën e tij ligjore për transformimin e Forcës së Sigurisë së Kosovës në mision të ri ushtarak.

Madje Thaçi i ka dërguar dje letër kryetarit të Kuvendit të Kosovës, Kadri Veseli, nga i cili ka kërkuar që Projektligji i propozuar për Transformimin e FSK-së të mos vihet për miratim në Kuvend. Ai tashmë është dorëzuar që ushtrinë ta bëjë nëpërmjet ligjit, por një gjë e tillë duhet bërë nëpërmjet ndryshimeve kushtetuese, ashtu siç rekomandojnë aleatët ndërkombëtarë.

Në letrën e Thaçit dërguar Veselit, të cilën ka arritur ta sigurojë gazeta Zëri, mes tjerash thuhet se shtetet anëtare të NATO-s dhe të SHBA-ja ende besojnë se institucionet e Republikës së Kosovës munden dhe duhet ta themelojnë FAK-un nëpërmjet ndryshimeve kushtetuese. "Për të arritur këtë qëllim, tani së fundmi partnerët strategjikë kanë konfirmuar gatishmërinë e tyre që t'i ndihmojnë institucionet tona në një përpjekje tjetër serioze gjithëpërfshirëse, për të siguruar përkrahjen e të gjitha komuniteteve të Kosovës, në veçanti të komunitetit serb për transformimin e FSK-së në FAK nëpërmjet ndryshimeve kushtetuese", thuhet në letrën e Thaçit dërguar Veselit, duke shtuar se "gjithashtu përfaqësuesit politikë të komunitetit serb pas një periudhe të gjatë të bojkotit tani i janë kthyer punës në kuadër të institucioneve shtetërore të Republikës së Kosovës".

I pari i vendit insiston se iniciativa ligjore për ndryshimin e mandatit dhe rolit të FSK-së është krejtësisht ligjore dhe legjitime, kushtetuese dhe në funksion të forcimit dhe të mbrojtjes së sovranitetit shtetëror të Kosovës.

Stresi ka një dilemë… (Foto)

Posted: 07 Apr 2017 11:49 PM PDT

Meqenëse Stresi ka shumë projekte gati ai nuk di cilin më parë ta nxjerrë me video, shkruan lajmi.net.

Por, megjithatë ai bëri të ditur se bashkë me stafin e BB4life kanë vendosur ta sjellin një projekt të madh muzikor të cilin do ta quajnë "Fake love".

Së fundi, këngëtari ka publikuar këngën 'Shokun se lo', e cila po pëlqehet shumë nga fansat e muzikës së tij.

Njëherësh 'Shokun se lo' është kënga e parë e cila në vitin 2017 ka thyer rekord për marrjen e 300 mijë klikimeve për vetëm 24 orë, së paku këtë gjë e ka bërë të ditur këngëtari nga lajmi që ka marrë prej një kompanie gjermane. /Lajmi.net/

Sony prodhon Playstation4 e ri

Posted: 07 Apr 2017 11:49 PM PDT

Në një intervistë të dhënë për "The Verge", përgjegjësi kryesor i grupit "Sony Interactive Entertainment America e PlayStation Worldwide Studios", Shawn Layden, u shpreh se kompania ka në program të hedhë në treg PlayStation e ri, por nuk ka dhënë një datë të saktë në lidhje me këtë gjë.

Ai u shpreh se për momentin janë duke u marrë me përmirësime të mëtejshme të versionit PlayStation 4. Teknologjia e avancuar dhe përmirësimet e këtij versioni janë mënyra jonë për t'i treguar botës së teknologjisë se cili do të jetë qëndrimi ynë në të ardhmen.

Kaos në Kolumbi, 314 të vdekur nga përmbytjet

Posted: 07 Apr 2017 11:45 PM PDT

Sipas zyrtarëve, operacioni i shpëtimit është pezulluar, edhe pse 127 persona vazhdojnë të jenë të zhdukur, njoftuan agjencitë e lajmeve, transmeton lajmi.net.

Në mesin e viktimave  janë më shumë se 102 fëmijë, ndërsa kanë mbetur të pastrehë 4506 të tjerë.

Rrëshqitjet e dheut kanë bërë që të përmbyset një qytet i tërë që më parë kishte 70.000 banorë, njofton Reuters. /Lajmi.net/

 

Guardiola mposht Barcelonën dhe Realin me përforcimin e ri: 100 milionë euro (FOTO)

Posted: 07 Apr 2017 11:44 PM PDT

Menaxheri i Manchester Cityt, Pep Guardiola është i gatshëm të paguajë 100 milionë euro për transferimin e fenomenit të Monacos, Kylian Mbappe.

Real Madrid, Barcelona e Paris Saint-Germain po ashtu kanë shprehur interesim për reprezentuesin francez, raporton "Le10Sport", përcjell "lajmi.net".

Por, Guardiola është i gatshëm t'i mposhtë duke sjell Mbappen në Etihad Stadium. /Lajmi.net/

Parashikoni ndeshje të futbollit dhe fitoni dhjetëra shpërblime, duke përfshirë një iPhone 7 dhe Samsung Galaxy

Qorraj: Krijimi i një tregu të ri do ta komplikonte edhe më shumë situatën në Ballkan

Posted: 07 Apr 2017 11:32 PM PDT

Gazment Qorraj,

Ai ka thënë se aktualisht është një treg i Ballkanit i njohur si CEFTA 2006, për të cilin thotë se duhet shumë. Qorraj ka theksuar se duhet parë se çfarë e dallon këtë treg nga tregu i CEFTA-s dhe cili do të ishte interesi i Ballkanit që t'i hyhet kësaj iniciative, posaçërisht interesi i Kosovës.

"Kosova dhe institucionet e saj janë të zotuara për vlerat euroatlantike, respektivisht për procesin e integrimit evropian, prandaj çdo iniciativë tjetër mund ta dëmtojë këtë proces dhe rrugëtimin e nisur. Prandaj krijimi i një tregu të ri do ta komplikonte edhe më shumë situatën në Ballkan", ka deklaruar Qorraj në intervistë dhënë për gazetën "Epoka e re". /Lajmi.net/

Jeni përdorues i ‘Messenger’? Njihuni me përditësimin e fundit

Posted: 07 Apr 2017 11:32 PM PDT

"M" mund të ofrojë këshilla që shfaqen në një opsion të vogël që ndihmon të dërgohen para miqve, të merret një taksi apo të koordinohen planet me shoqërinë.

Një shembull i mirë për të shpjeguar M, është se kur dikush pyetet "Ku jeni?", M do të sugjeroj të ndahet vendndodhja me atë person.

Për momentin, Messenger M është duke u provuar tek përdoruesit e iOS dhe Android në SHBA. Për të tjerët, përditësimi do të vijë eventualisht.

Në rast se nuk do të pëlqehet, opsioni i ri në Messenger, do të mund të fiket përmes 'Settings'.