Lajmi.net: “Matthaus: Ronaldo – Messi? Jo, ky futbollist mund ta fitojë “Topin e Artë” (FOTO)” plus 8 more |
- Matthaus: Ronaldo – Messi? Jo, ky futbollist mund ta fitojë “Topin e Artë” (FOTO)
- Rusia e quan lajm të rremë sulmin kimik në Siri
- Arsenal cakton çmimin e Alexis Sanchez (FOTO)
- Roberti flet për djalin e Tunës dhe Patrisit, dhe se vëllai i tij ka dy fëmijë të tjerë (Foto)
- Zbulohet e vërteta rreth Norës dhe Robertit, ndodhi para dasmës (Foto/Video)
- 20 foto që dëshmojnë se efekti photoshop është i panevojshëm (Foto)
- Haradinaj: Vendimi përfundimtar mund të shtyhet me ditë apo javë
- Lamtumirë Dortmund, transferohet në Milan për 50 milionë euro (FOTO)
- Erdogan: O Asad vrasësi si do të shpëtosh nga mallkimet
| Matthaus: Ronaldo – Messi? Jo, ky futbollist mund ta fitojë “Topin e Artë” (FOTO) Posted: 06 Apr 2017 12:15 AM PDT  Legjenda e Gjermanisë, Lothar Matthaus beson se sulmuesi i Bayern Munichut, Robert Lewandowski mund të bëhet futbollisti më i mirë në botë. Lewandowski spekulohet me transferim në Manchester United si zëvendësues i Zlatan Ibrahimovic. “Lewandowski nëse e fiton titullin e Ligës së Kampionëve me Bayernin, ai mund të bëhet futbollisti më i mirë në botë”, deklaroi Matthaus për “Bild”, përcjell “lajmi.net”. “Ai mund të bëhet futbollisti më i mirë në botë. Si sulmuesi më i mirë në botë, ai do ta meritonte këtë çmim pa asnjë dyshim”, theksoi ai. /Lajmi.net/ |
| Rusia e quan lajm të rremë sulmin kimik në Siri Posted: 06 Apr 2017 12:10 AM PDT  Administrata e Presidentit Trump u qëndroi akuzave të saj, duke fajësuar forcat e presidentit sirian Bashar Asad me përgjegjësi për sulmin. Moska zyrtare i konsideron lajme të rreme. Zëdhënësi i Ministrisë së Mbrojtjes ruse, gjeneral major Igor Konashenkov tha se lënda kimike u shpërnda kur avionët luftarakë sirianë bombarduan një fabrikë në të cilën rebelët po prodhonin armë kimike. Sipas tij fabrika prodhonte armë kimike të njëjta me ato që janë përdorur në Irak dhe në Aleppo nga rebelët, ku ishin shfaqur simptoma të ngjashme me ato në Khan Sheikhoun. Por presidenti i Shteteve të Bashkuara Donald Trump gjatë një deklarate të martën e denoncoi sulmin si një akt "të dënueshëm dhe që nuk mund të injorohet nga bota e qytetëruar". "Sulmi ndryshoi qëndrimin tim ndaj Assad. Ky sulm është i papranueshëm. Ajo çfarë pashë tek fëmijët dhe foshnjet pati një ndikim të madh tek unë dhe ndryshoi qëndrimin tim ndaj Sirisë dhe Asadit.Nuk është i besueshëm versioni i Rusisë" tha ai, njofton oranws. Një zyrtar i lartë i Shtëpisë së Bardhë deklaroi se Shtetet e Bashkuara vazhdojnë të besojnë se qeveria siriane është përgjegjëse për sulmin me armë kimike. Në Kombet e Bashkuara, ambasadorja e presidentit Donald Trump, Nikky Haley, kërcënoi se Shtetet e Bashkuara do të ndërmerrnin veprime të njëanshme nëse bota nuk vepron. "Kur Kombet e Bashkuara vazhdimisht dështojnë në detyrën e tyre për të vepruar kolektivisht, ka raste në jetën e shteteve, kur detyrohemi të ndërmarrim vetë veprime," deklaroi ambasadorja Haley. Ajo foli në takimin urgjent të Këshillit të Sigurimit, ku u debatua rreth një rezolute që dënonte përdorimin e armëve kimike në Siri. Rusia, e cila ka të drejtën e vetos, është shprehur kundër rezolutës. Udhëheqësit dhe zyrtarët në vendet e tjera, duke përfshirë Britaninë dhe Izraelin, u bashkuan me SHBA-në duke thënë se përgjegjësia binte mbi forcat e Asadit. Edhe Turqia ka paralajmëruar Rusinë dhe Iranin se kjo është një shkelje e rëndë që kërcënon armëpushimin. Një zyrtar i SHBA tha se analiza e radarëve dhe vlerësime të tjera tregojnë se në kohën e sulmit në zonë fluturonin avionë sirianë. Uashingtoni ende nuk ka arritur në përfundimin se çfarë lloji armësh kimike ishin përdorur. |
| Arsenal cakton çmimin e Alexis Sanchez (FOTO) Posted: 06 Apr 2017 12:04 AM PDT  Arsenal është i gatshëm t’i vlerësojë ofertat për sulmuesin Alexis Sanchez. “Gunners” dëshirojnë ta shesin reprezentuesin kilian për shumë më tepër se shifra e blerjes së tij nga Barcelona, shkruajnë mediat spanjolle, përcjell “lajmi.net”. Arsenal e bleu për 42 milionë euro por shifra e shitjës është shumë më e lartë. Sanchez mund të largohet nga Emirates Stadium për rreth 60-65 milionë euro. /Lajmi.net/ |
| Roberti flet për djalin e Tunës dhe Patrisit, dhe se vëllai i tij ka dy fëmijë të tjerë (Foto) Posted: 06 Apr 2017 12:02 AM PDT  Roberti zbuloi se fëmija i tyre do të vijë shumë shpejt në jetë duke i dhënë familjes së madhe Berisha gëzimin e madh të një trashëgimtari. "Tuna nuk ka lindur akoma, besoj duhet edhe një muaj. Është një ndjesi e mirë, por nuk po bëhem për herë të parë xhaxha sepse vëllai tjetër i ka dy vajza. Megjithatë, Tuna e ka djalë dhe ai do të jetë një Berishë i vogël", – tregon Roberti, i lumtur që në një familje djemsh, pas tri vajzave, dy vajzave të Platorit dhe vajzës së tij Renee, do të vijë një trashëgimtar. Ai ka prezantuar në një farë mënyre për herë të parë vëllain tjetër, Platorin. Të tre vëllezërit kanë një pasion të madh për muzikën, edhe pse Platori nuk është kaq i njohur për publikun shqiptar sa dy djemtë e tjerë Berisha. |
| Zbulohet e vërteta rreth Norës dhe Robertit, ndodhi para dasmës (Foto/Video) Posted: 05 Apr 2017 11:57 PM PDT  Duke e kujtuar ditën e dasmës e cila 3 vite më pare mori komblet vëmendjen e mediave dhe publikut, ai zbuloi një detaj shumë interesant, shkruan lajmi.net. Roberti tregoi se me Norën kanë qenë të kurorëzuar më herët dhe këtë nuk e ka ditur askush. "Ne kemi qenë të kurorëzuar, sepse unë jam nënshtetas amerikan. U ktheva pas tre viteve nga Amerika, pastaj u njoha me Norën. Para dasmës, ne ishim kurorëzuar, por kurrkush s'e ka ditur… Meqenëse unë jam nënshtetas amerikan, e shpejtuam celebrimin, me qëllim që Nora të përfitonte dokumentet që edhe ajo të merrte nënshtetësinë…", ka thënë ai. Megjithatë Nora ende nuk është bërë me dokumente amerikane. Ndryshe Nora dhe Roberti janë njëri ndër çiftet më të pëlqyera të momentit nga publiku. Kjo është dëshmuar pas përgjigjeve që muaj më pare lajmi.net i ka marrë në qendër nga qytetarët./Lajmi.net/
|
| 20 foto që dëshmojnë se efekti photoshop është i panevojshëm (Foto) Posted: 05 Apr 2017 11:53 PM PDT  Por perfeksionit të njerzimit nuk i nevojitet çdoherë ky efekt, sepse edhe pa të foton mund të bëhen shumë të bukura, transmeton lajmi.net. Këto foto dëshmojnë se efektet e photoshopit nuk janë çdoherë të nevojshme. /Lajmi.net/
|
| Haradinaj: Vendimi përfundimtar mund të shtyhet me ditë apo javë Posted: 05 Apr 2017 11:52 PM PDT  Ish- kryeministri i Kosovës dhe kryetari i partisë politike, Aleanca për Ardhmërinë e Kosovës, është ndaluar nga policia franceze më 4 janar, në bazë të një urdhër-arresti ndërkombëtar të lëshuar nga Serbia përmes Interpolit. Ai akuzohet nga drejtësia e Serbisë për krime lufte. Nisur nga këto akuza, Prokuroria Speciale e Serbisë, pati paraqitur dhe kërkesën për ekstradimin e Haradinajt në Serbi. Pas seancave gjyqësore më 9 shkurt dhe 2 mars, tani vendimi i ri për Haradinajn do të dihet me 6 prill. Në një bisede për Radion Evropa e Lirë, Haradinaj nuk shprehet shumë optimist se në seancën e radhës mund të ketë ndonjë vendim pozitiv për të. "Është seancë ballafaquese. Prokurori do të paraqes të gjeturat përfundimtare, pse janë përmbushur kriteret për ekstradim në Serbi, ndërsa ne, mbrojtja do të paraqesim argumentet që kjo kërkesë është e pa bazuar, e motivuar politikisht, s’ka bazë ligjore dhe duhet të hidhet poshtë". "Teorikisht ekziston mundësia e vendimit, por në bazë të praktikës së deritanishme të vonesave, pra, mund të pritet që vendimi të shtyhet edhe për ditë apo javë”, tha Haradinaj. Ai ka përsëritur se pafajësia e tij është vërtetuar dy herë me proceset gjyqësore ndaj tij të zhvilluara në Tribunalin e Hagës. Haradinaj mendon se ndalesa e tij nuk ka të bëjë me asgjë tjetër, por siç thotë ai, 'krejt kjo çështje është politike'. “Baza e ndalimit tim është krejtësisht politike. Do të thotë aktakuza burimin e ka në vitin 2014, një aktakuzë që është nisur para proceseve gjyqësore që i kam kaluar në Tribunalin e Hagës". "Në të vërtetë këto gjëra në Francë ndodhin, procesi është gjyqësor, por baza e këtij procesi është krejtësisht politik”, tha Haradinaj. Sidoqoftë, ai tha se respekton dhe beson në drejtësinë ndërkombëtare. “Pra, respektoj ligjin ndërkombëtar, por nuk e njoh juridiksionin e Serbisë mbi mua. Këtë juridiksion të tashëm dhe të atëhershëm. Ne i kemi nda rrugët me të. Shikojeni absurdin, presidenti i qeverisë, i zgjedhuri ishte ministër i qeverisë së Millosheviqit në kohën kur ka ndodhur gjenocidi në Kosovë", ka thënë Haradinaj. Asnjëri na udhëheqit e shtetit serb, ka vijuar ai, nuk e ka kaluar ndonjë proces gjyqësor ku do të vërtetohej pastria e tyre dhe mospërfshirja në krime. "Unë kam kaluar dy herë në instancën më të lartë të ligjit ndërkombëtar edhe sot vazhdon keqtrajtimi", ka thënë ai. "Kjo bjen në konflikt me kërkesën që i është bërë Kosovës për Gjykatën Speciale, për pastrim. Pra, ky nuk qenka pastrim, ligji ndërkombëtar. E vetmja mënyrë për t'u pastruar shqiptarët, sipas kësaj logjike, është të na gjykojë Serbia, Beogradi", u shpreh Haradinaj. Prishtina zyrtare, ka theksuar ai, duket të jetë e pafuqishme në rastin e tij. Sipas Haradinajt, institucionet e Kosovës kanë marrë një pozicion inferior ndaj Beogradit edhe në dialog edhe në pozicione të tjera. Ndërkaq, ekspertë të çështjeve penale, kanë deklaruar se ka ende gjasa që procesi të zvarritet, për shkak se organet kompetente të drejtësisë në Francë, nisur nga gjykatat, duhet të shqyrtojnë qëndrueshmërinë, vlefshmërinë dhe vërtetësinë e provave që Serbia i ka deponuar për këtë rast. Kuvendi i Kosovës, javë më parë, miratoi një rezolutë me të cilën kërkoi pezullimin e dialogut me Serbinë, deri në lirimin e ish-kryeministrit Ramush Haradinaj. Vendimi i Kuvendit të Kosovës u përcoll menjëherë me respektim nga qeveria e vendit. /REL/ |
| Lamtumirë Dortmund, transferohet në Milan për 50 milionë euro (FOTO) Posted: 05 Apr 2017 11:51 PM PDT  Milan është duke planifikuar përforcimet për sezonin e ardhshëm. Një nga ta është edhe mesfushori gjerman i Borussia Dortmundit, Julian Weigl, i cili po kërkohet edhe nga skuadrat tjera të mëdha, raportojnë mediat italiane, përcjell “lajmi.net”. Por, problem mbetet kontrata me Dortmundin deri në vitin 2021 dhe klauzola prej 50 milionë eurosh. /Lajmi.net/ |
| Erdogan: O Asad vrasësi si do të shpëtosh nga mallkimet Posted: 05 Apr 2017 11:46 PM PDT  Presidenti i Turqisë Recep Tayyip Erdoğan, në një fjalim të mbajtur në ceremoninë e inagurimeve masive në ish stadiumin Atatürk në qytetin Bursa të Turqisë, në lidhje me sulmet kimike në Siri tha: “O Asad vrasësi si do të shpëtosh nga mallkimet e këtyre? Bota, Kombet e Bashkuara që qëndrojnë të heshtur përballë kësaj, si do ta jepni llogarinë e kësaj?”, raporton Anadolu Agency (AA). “Skema e mirëqenies artificiale e ndërtuar në Evropë po rrënohet”, tha Erdoğan. “Bashkimi Evropian që ka një mesatare të moshës 43 vjeç, ka vështirësi që t’u gjejë punë të rinjve të saj. Tashmë Evropa nuk është më shpresë e punësimit. Ata që na kërcënojnë neve me ekonomi, me viza, me tregti fillimisht të kthehen e të shohin veten e tyre. Nuk janë në situatë të mirë. Kur ta bëjnë këtë do të shikojnë një kontinent që të ardhurat i pakësohen, borxhet i rriten dhe krahas këtyre të gjithave po ngushtohet tregtia, po i bien investimet. Papunësia në rritje dhe një kontinent që po plaket. Pikërisht atëherë do të kuptohet se kush ka nevojë njëri apo tjetri”, tha Erdoğan. |
| You are subscribed to email updates from Lajmi.net. To stop receiving these emails, you may unsubscribe now. | Email delivery powered by Google |
| Google Inc., 1600 Amphitheatre Parkway, Mountain View, CA 94043, United States | |