Home » » Ora News: “Kukësi e Hasi pa drita prej ditës së djeshme” plus 9 more

Ora News: “Kukësi e Hasi pa drita prej ditës së djeshme” plus 9 more

Ora News: “Kukësi e Hasi pa drita prej ditës së djeshme” plus 9 more

Kukësi e Hasi pa drita prej ditës së djeshme

Posted: 05 Jan 2017 11:51 PM PST

Reshjet e borës si dhe erërat e forta kanë bërë që i gjithë Kukësi dhe Hasi të mbetet pa energji elektrike që prej orës 13:00 të ditës së djeshme.

Si pasojë e një defekti në linjat e transmetimit të energjisë, rryma është shkëputur për konsumatorët duke i lënë ata në errësirë të plotë.

Ekspertët bëjnë me dije se është shkaktuar një defekt në linjën 110 kilovolt në Krumë të Hasit, aty ku është dëmtuar fideri numër 4.

Specialistët e Operatorit të Shpërndarjes së Energjisë Elektrike dhe Operatorit të Sistemit të Transmetimit kanë mbërritur në vendin ku ka ndodhur defekti, por deri tani nuk është bërë I mundur riparimi I tij.

Gjatë gjithë pasdites së shkuar ata kanë kërkuar defektin, por nuk e kanë gjetur pasi ende nuk dihet se në cilën pjesë është dëmtuar.

Temperaturat deri në minus 10 gradë nuk kanë favorizuar elektriçistët të cilët janë detyruar që të ndërpresin punën për shkak të të ftohtit të madh.

Ata bëjnë me dije se shkak për këtë defekt është bërë pesha e borës mbi telat përcjellës të energjisë, që për hir të së vërtetës, shumica prej tyre nuk janë ndërruar prej dekadash.
Deri tani nuk dihet se kur defekti do të riparohet, duke lënë në errësirë mijëra banorë të qytetit të Kukësit dhe Njësive Administrative të tij.

/Oranews.tv/

Të parët për lajmin e fundit. Ndiqni Oranews.tv në Facebook dhe në Twitter

“Kam gabuar në emërimin e disa gjyqtarëve të Gjykatës së Lartë e Ambasadorëve”

Posted: 05 Jan 2017 11:45 PM PST

I ftuar në emisionin "Debati në Channel One" të gazetarit Roland Qafoku gjatë analizës për ushtrimin e detyrës Presidenti Bujar Nishani për herë të parë pranoi publikisht se ka gabuar për emërimin e disa gjyqtarëve tëGjykatës së Lartë dhe të disa ambasadorëve.

“Jam ndjerë i zhgënjyer sepse kisha prishtmëri për punën e tyre por kjo gjë nuk ka ndodhur dhe pranoj se kam gabuar në emërimin e tyre”.

Edhe pse gazetarit Qafoku këmbënguli për të bërë publike emrat Nishani nuk pranoi ta bënte këtë.

 

Të parët për lajmin e fundit. Ndiqni Oranews.tv në Facebook dhe në Twitter

“Stresi” në kërkim, filmoi veten duke qëlluar me shotgun dhe e postoi online

Posted: 05 Jan 2017 11:30 PM PST

Reperi Arkimed Lusha, i njohur me pseudonimin “Stresi” dhe një 21 vjeçar   janë shpallur në kërkim pasi kanë filmuar veten duke qëlluar me shotgun në ajër.

Prej ditës së djeshme specialistët e Komisariatit të Policisë Nr 4, po punojnë për kapjen e shtetasve – A. L., 29 vjeç, banues në Tiranë, i dënuar më parë dhe  E. L., 21 vjeç, banues në Tiranë informon policia e Tiranës

“Këta shtetas, më datë 05.01.2017, kanë publikuar në rrjete sociale një video, duke gjuajtur në ajër me armë zjarri gjahu, të tipit “Shotgun”, në një ambient publik”

Nga veprimet hetimore të kryera ka rezultuar se ngjarja ka ndodhur më datë 31.12.2016, si dhe po kryhen veprime administrative për heqjen e lejes për mbajtje arme gjahu ndaj shtetasit S. L., 61 vjeç, banues në Tiranë.

Policia thotë se është bërë sekuestrimi në cilësinë e provës materiale të armës së zjarri gjuetie, tip “Shotgun”

Materialet i’u referuan Prokurorisë Pranë Gjykatës Shkallës se Parë Tiranë, për  veprat penale "Prodhimi dhe mbajtja pa leje e armëve të gjuetise dhe sportive" dhe “Prishje e qetësisë publike", kryer në bashkëpunim, parashikuar nga Nenet 280, 274 e 25 të Kodit Penal.

/Oranews.tv/

Të parët për lajmin e fundit. Ndiqni Oranews.tv në Facebook dhe në Twitter

Moti i keq, në Dibër bllokohen të gjitha njësitë administrative

Posted: 05 Jan 2017 11:20 PM PST

Moti i ftohtë me temperatura të ulëta kanë përfshirë të gjithë vendin gjatë natës por dhe në vazhdim

Në Dibër temperaturat kanë zbritur deri në -7 gradë celsius dhe rruga Peshkopi-Tiranë i qarkullueshëm me zinxhirë por me vështirësi.

Gjatë natës ka pasur makina të bllokuara sepse lëviznin pa zinxhirë duke penguar edhe lëvizjen e borëpastrueseve. Të gjitha njësitë administrative të bllokuara.

Në Kukës Rruga e Kombit mbetet segmenti më problematik dhe autoritetet bëjnë thirrje për shmangien e lëvizjes atje. Pjesa më problematike është pas tunelit të Thirrës, ku dëbora po arrin në 60 centimetra trashësi.

Në Durrës orët e mbrëmjes së djeshme janë shoqëruar me reshje bore të dendura, por edhe në Tiranë por bora ra por në qytet nuk ka ngjitur.

/Oranews.tv/

 

Të parët për lajmin e fundit. Ndiqni Oranews.tv në Facebook dhe në Twitter

Shitësit të mishit i vjedhin apartamentin: Morën 6 mln

Posted: 05 Jan 2017 01:41 PM PST

Një apartament është vjedhur në Gjirokastër. Ndonëse ngjarja nuk është raportuar nga policia, mësohet se grabitja ka ndodhur në lagjen "18 Shtatori", pranë tregut të qytetit.

Shtëpia ishte në pronësi të shtetasit me inicialet M.P, i cili është një tregtar i njohur mishi në Gjirokastër dhe zonën përreth.

Nga burime jo zyrtare bëhet me dije se i zoti i shtëpisë pretendon se i janë vjedhur rreth 60 milionë lekë të vjetra.

Policia ka shoqëruar disa persona për t'i marrë në pyetje nëse kanë dijeni për ngjarjen, por deri më tani nuk dihen autorët e kësaj ngjarje.

Të parët për lajmin e fundit. Ndiqni Oranews.tv në Facebook dhe në Twitter

Nisin reshjet e borës në Llogara, kalimi i mjeteve me zinxhirë

Posted: 05 Jan 2017 01:37 PM PST

Në orët e vona të mbrëmjes së sotme kanë nisur reshjet e borës dhe në Llogara. Mësohet se kalimi i mjeteve është i vështirë dhe rekomandohet vendosja e zinxhirëve.

Vështirësi në qarkullim paraqiten edhe në drejtim të Palasës. Më herët Emergjencat Civile informoi se Në Qafë Muzinë, Qafë Gjashtë dhe Qafë Llogara si shkak i ngricave duhet pasur kujdes në qarkullimin e automjeteve.

Firmat kontraktore janë në gatishmëri me forca dhe mjete për të mbajtur situatën nën kontroll.

 

Të parët për lajmin e fundit. Ndiqni Oranews.tv në Facebook dhe në Twitter

Blero: Kemi këngëtare shumë më të mira, Era Istrefit i ka rënë lotaria

Posted: 05 Jan 2017 01:31 PM PST

Era Istrefi është kthyer tanimë në një këngëtare me famë botërore.

Pavarësisht talentit dhe suksesit të saj me hitin "Bon Bon", këngëtarja duket se ka patur edhe shumë fat. Të paktën sipas Bleros.

I ftuar në programin "Komiteti", kur u pyet për këngëtaret e reja që po synojnë të depërtojnë në tregun ndërkombëtar, ai tha se një pjesë e mirë janë shumë të talentuara, por kanë pasur edhe shumë fat.

"Këngëtaret e reja janë shumë të talentuara, por janë edhe me shumë fat. Nuk mjafton vetëm talenti. Është njëlloj si të fitosh lotarinë.Mos të themi që Era Istrefi këndon më mirë se të gjithë, sepse nuk këndon më mirë se të gjithë. Kemi shumë më të mira se Era, por ajo ka fat. Puna e madhe e Faton Shoshit është arsyeja pse Era ka depërtuar. Era ka shumë talent, ne jemi krenarë me të, pa diskutim, por puna e madhe dhe fati e ka prurë aty ku është. Ne krenohemi të gjithë me të, por kemi edhe shumë talente që duan të kenë më shumë fat."

 

/Oranews.tv/

Të parët për lajmin e fundit. Ndiqni Oranews.tv në Facebook dhe në Twitter

Pas 10 vitesh, stuhi bore edhe në Durrësin bregdetar

Posted: 05 Jan 2017 01:24 PM PST

I ftohti që ka përfshirë të gjithë vendin dhe që pritet të përkeqësohet në vijim ka rikthyer në qytetin bregdetar të Durrësit reshjet e borës.

Pas dhjetë vitesh mungesë, ky qytet është përfshirë mbrëmjen e sotme nga një stuhi e lehtë dëbore që më shumë se në rrugë atë mund ta shohësh në makina.

Të parët për lajmin e fundit. Ndiqni Oranews.tv në Facebook dhe në Twitter

Borë dhe mungesë energjie në veri, probleme dhe në Korçë e Vlorë

Posted: 05 Jan 2017 01:16 PM PST

Përkeqësimi i motit gjatë ditës së sotme dhe reshjet e dendura të borës kanë shkaktuar bllokimin e disa akseve rrugore kryesisht në zonat rurale.

Ndërkohë në disa akse nacionale ka pasur vështirësi në qarkullim, duke bërë të detyrueshëm përdorimin e zinxhirëve për automjetet.

Strukturat e Emergjencave Civile në rrethe dhe kompanitë e kontraktuara për mirëmbajtjen e rrugëve kanë qenë në krye të detyrës duke pastruar dëborën në akset rrugore, duke hedhur skorie e kripë në rrugë apo duke u ardhur në ndihmë mjeteve që kishin probleme.

Tashmë problemet me reshjet dhe motin janë shtrirë edhe në zona të tjera të vendit dhe përveç disa qarqeve të veriut të vendit, kanë nisur të shfaqen problematika në qarkullim edhe në qarqet e Korçës dhe Vlorës.

Për shkak të motit të keq, ka probleme me furnizimin dhe ndërprerje të energjisë elektrike në disa zona në qarkun e Shkodrës, Lezhës dhe Kukësit.

Deri në mbrëmje nuk raportohen raste emergjencash shëndetësore në popullatë, ndërsa janë mbledhur nën drejtimin e Prefektit, Komisionet e Planifikimit dhe Përballimit të Emergjencave Civile, ku janë ndarë detyrat për përballimin e situatës, e cila deri në orën 21:15 sipas qarqeve paraqitet:

Qarku Kukës

Ka pasur reshje reshje bore që në qytete ka arritur trashësinë 25-30 cm, kurse në zonat rurale trashësia e borës ka qenë mbi 60 cm.

Të gjitha akset kombëtare kanë qenë përgjithësisht të qarkullueshëm pa zinxhirë. Në shkallë qarku kanë punuar gjithsej 32 mjete borëpastruese. Në rrugën e Kombit kanë punuar 8 borëpastruese.

Akset rrugore Kukës-Bushtricë, Kukës-Zapod, Krumë-Qafë Prushi-Kam, Bajram Curri-Qafë Morinë, kanë qenë të qarkullueshme me zinxhirë, kurse akset rrugore Bajram Curri-Valbonë, Bajram Curri-Qafë Luzhë, Fushë Dugagjin-Qafë, Shllak Kukës-Krumë, kanë qenë të qarkullueshme pjesërisht me zinxhirë.

Akset rrugore Fushë Dukagjin-Arrën, Bushtricë-fshati Fshat, Bushtricë-Grykë Çajë, Bushtricë – Buzmadhe, janë të bllokuara.

Policia Rrugore ka monitoruar qarkullimin e automjeteve duke këshilluar drejtuesit e mjeteve të përdorin zinxhirë në segmentet problematike.

Qarku Shkodër

Ka pasur reshje të dendura dëbore, të cilat kanë krijuar probleme në segmentet rrugore të Qafë Thores, Shalë, Shosh, Iballë në bashkitë Shkodër, Koplik, Pukë dhe Fushë Arrëz.

Segmenti rrugor Bogë-Qafë Thore, Theth-Bregu i Lumit-Mali i Shoshi-Prekal, janë të bllokuar.

Ka pasur mungesa energjie në njësinë Dajç, dhe sipas informacionit OSHEE, është e pamundur të ndërhyhet pasi në këtë zonë, furnizimi me energji varet nga HEC-Ndërhysaj.

Ndërkohë po merren masa per hapjen e segmemtit rrugor Qafë Shosh-Shalë-Theth.

Akset rrugore Fushë Arrëz-Qafë Mali-Qafë Shllak, Qafë Mali-Dardhë-Fierzë dhe Fushë Arrëz-Iballë janë të bllokuara. Po punohet me mjete dhe forca për hapjen e këtyre akseve rrugore.

Aksi rrugor Pukë-Qelëz është i bllokuar, ndërkohë po punojnë dy borëpastruese në segmentin Fushë Arrëz-Pukë, dy borëpastruese në aksin e Iballës dhe në segmentin Qafë Mali si dhe një borëpastruese e ardhur nga Drejtoria e Emergjencave Civile në Bashkinë Pukë.

Segmentet rrugore Tamarë-Vermosh-Bashkim, Tamarë-Selcë janë të bllokuara.

Po punohet nga një fadrome nga DPEC në aksin e Qafë Thores dhe një fadromë e Bashkisë në segmentin Tamarë-Kozhnje, si dhe dy borëpastruese në Tamarë.

Në Temal, Vau Dejës, trashësia e dëbores ka arritur rreth 50 cm. Aksi Koman-Vau Dejës nuk ka probleme.

Qarku  Dibër

Segmentet rrugore Muhurr-Çidhen-Lurë; Muhurr-Çidhën-Reç; Muhurr-Selishtë, janë të bllokuara.

Rruga nacionale Skuraj-Burrel është e qarkullueshme, me zinxhir. Po punojnë 1 borëpastruese, 1 fadrome, të cilat po bëjnë hedhjen e kripës dhe skorjeve.

Rruga nacionale Burrel-Qafë Bualli, është e qarkullueshme me zinxhirë. Po punojnë 2 borëpastruese dhe 1 fadromë.

Rruga Qafë Bualli-Krastë, është e bllokuar dhe po punohet për hapjen e saj.

Rruga nacionale Qafë Bualli-Peshkopi, është e qarkullueshme me zinxhirë.

Rruga Ura e Çerenecit-Steblevë, është e bllokuar dhe po punohet për hapjen e saj.

Rruga Peshkopi-Kala e Dodës (Vasie), është e qarkullueshme me zinxhirë.

Rruga Lurë-Peshkopi është e bllokuar.

Firmat kontraktore në territorin e Qarkut Dibër po punojnë me mjete dhe forca për të mbajtur të kalueshme akset rrugore dhe të bëjnë të mundur hapjen e akseve rrugore që kanë probleme

Qarku Lezhë 

Segmenti i 'Rrugës së Kombit', Rrëshen-Fan-Tunel, është i kalueshëm me vështirësi dhe me zinxhirë, nën monitorim nga policia.

Firma kontraktore po punon me 4 fadroma për mbajtjen në gatishmëri të rrugëve nacionale. Vazhdojnë reshjet e dëborës në zonat e thella të njësive administrative  Fan, Orosh dhe Selitë. Trashësia varion nga rreth 20-50 cm dëborë.

Rrugët rurale kalohen me zinzhirë. Furnizimi me energji  elektrike, ka qenë normal në të gjithë bashkinë.

Qarku Korçë

Trashësia e dëborës ka arritur 10 cm. Ndërsa në Dardhë dhe Voskopojë trashësia e dëborës është 30 cm.

Akset rrugore Korçë-Dardhë, Korçë-Voskopojë, Korçë-Qafë Plloçë-Pogradec, Korçë-Qarr-Ersekë, janë të qarkullueshme me zinxhirë.

Në Qafë Thanë, Qafë Plloçë dhe Qafë Qarri ka ngrica si pasojë e temperaturave të ulëta dhe duhet të bëhet kujdes në qarkullimin e automjeteve.

Qarku Vlorë

Në Qafë Muzinë, Qafë Gjashtë dhe Qafë Llogara si shkak i ngricave duhet pasur kujdes në qarkullimin e automjeteve.

Firmat kontraktore janë në gatishmëri me forca dhe mjete për të mbajtur situatën nën kontroll. Aktualisht të gjitha akset rrugore janë të qarkullueshme.

Nga qarqet e tjera të vendit nuk raportohen situata emergjente të krijuara nga kushtet e motit.

Të parët për lajmin e fundit. Ndiqni Oranews.tv në Facebook dhe në Twitter

Në “sitë” bastet e Burrelit, dy në pranga për armëmbajtje pa leje

Posted: 05 Jan 2017 01:06 PM PST

Policia e Matit në bashkëpunim dhe me FNSH e Shkodrës kaluan mbrëmjen e sotme në sitë disa pika bastesh në qytetin e Burrelit për kapjen në flagrancë të personave që mbajnë dhe qarkullojnë me armë pa leje, personat që shpërndajnë e trafikojnë lëndë narkotike, për personat e shpallur në kerkim, etj.

Si rezultat i këtyre kontrolleve në një pikë bastesh është kapur në flagrancë me armë në brez shtetasi Gerson Pasha 22 vjeç, banues në Burrel, i cili u arrestua për veprën penale "Mbajte pa leje të armëve dhe municioneve luftarake" .

Gazmir Lala 30 vjeç, banues në Burrel, i cili u kap gjatë kontrollit në të njëjtën pikë bastesh me thikë me vete , i cili u arrestua për veprën penale "Mbajte pa leje të armëve të ftohta".

Gjithashtu është proceduar në gjendje të lirë shtetasi; L.L, 17 vjeç, banues në Burrel, pasi u kap gjatë kontrolleve me një dorezë boksi metalike që e mbante me vete. Porcedimi filloi për veprën penale "Mbajte pa leje të armëve të ftohta" .

Arma e zjarrit Pistoletë “TT”, thika dhe doreza e boksit metalike janë sekuestruar në cilësinë e provës materiale.

Materialet proceduriale do t’i kalojnë Prokurorisë së Rrethit Gjyqësor Mat për veprime të mëtejshme.

/Oranews.tv/

3 2

Të parët për lajmin e fundit. Ndiqni Oranews.tv në Facebook dhe në Twitter