Poezi nga Fjolla Qorraj
Rrjedhat e Kosovës
(Dëshmorit të kombit,xhaxhait tim - Ismet Qorraj)
Mars
Viti ‘89
Flinin në një dhomë
10 fëmijë
si në një zemër
mbi katër shtrate
të mbulur me jorgan
E kishin mall shtojën
nga tranditja e hapave
të policëve serb
mbi kalldrëm….
Babi kujton të kaluarën
plagët e vjetra
vrasjen e vëllait të tij të vogël
nga serbët
copat e misrit
Flamurët….
Kanë kaluar shumë vjetë
Zemra kapton malet
dhe e ndjejë vetën
të lirë
të re
të fortë
ashtu si Dielli që nxe’
Tokën pranverore
të lirisë.
Xhaxha Ismet
Flamur i fronteve
Ylber i horizonteve
ti ishe i zoti
e durove etjen...
Ismet
furtunë e fllad i zemërçarës
shndërrim i buzës së beharit
Ti çel si lule
shpërthen si rrëmet
mëkon plagët e Nënlokës
në mes kaq këngësh
në mes kaq dhembjesh
si lumi
si era si gjaku
Liria shpërtheu te praku
me besë e shpresë
të ndjejë në shpirt
se unë mbesa yte
borxh ta kam
me krahërorët masivë
në rreshtat e mëdhenj
të detit tekanjoz...