Migrimi i Kosovarëve....

Hungaria duhet “t’i mbyll portat e veta” për imigrantët ekonomikë, tha sot Antal Rogan, një aleat i afërt i kryeministrit të Hungarisë, Viktor Orban. Ai ka kërkuar aksion për ta ndalur rritjen dramatike të numrit të kosovarëve, që i kalojnë kanalet dhe ecin nëpër male gjatë natës, për të arritur në vendet e Bashkimit Evropian.



Prej muajit shtator, afro 30 mijë vetë janë zënë nga policia kufitare e Hungarisë dhe ata kanë kërkuar azil. Në vitin 2013 ky numër ishte 6 mijë, raporton agjencia Reuters, transmeton Rel.

Zoti Rogan, në një konferencë për gazetarë ka kërkuar “konsultim kombëtar” për çështjen nëse azilkërkuesit do të duhej të arrestoheshin derisa të shqyrtohen kërkesat e tyre dhe nëse legjislacioni duhet të plotësohet në mënyrë që imigrantët ilegalë “të mund të dëboheshin menjëherë”.

Një burrë nga Kosova mbanë foshnjën e tij, si dhe një grua qantën e fëmijut derisa kalojnë ilegalisht kufirin hungarezo –serb, afër fshatit Asotthalom, 6 shkurt 2015.Migrimi masiv i kosovarëve drejt vendeve të Bashkimit Europian po pasqyrohet edhe nga mediat ndërkombëtare. Agjencia e lajmeve Reuters ka bërë një fotografi të një migranti kosovarë i cili ka qenë duke kaluar ilegalisht kufirin serbo hungarez.

Ikja e masive e qytetarëve të Kosovës drejt perëndimit nuk ka të ndalur. Ata si destinacion të parë kanë Serbinë e më pas Hungarinë, ku më pastaj tentojnë të dalin ilegalisht në Gjermani, Itali apo në ndonjë shtet tjetër.


Megjithatë, jo të gjihtë po kalojnë kufirin e Serbisë drejt Hungarisë. Raportohet se gjatë 24 orëve të fundit, në Serbi janë arrestuar disa qindra shqiptarë të Kosovës që po tentonin të hynin në mënyrë ilegale në Hungari.


Agjencia e lajmeve Reuters ka sjellë këto ngjarje në fotografi, ku shihen shumë persona, nga bebe e deri në të moshuar, duke u futur nëpër makinat policore.

Zëvendësdrejtori i Agjencisë Kosovare për Intelegjencë Muharrem Ajeti ka raportuar sot në Komisionin për Mbikëqyrjen e AKI-së, mbledhje e cila u mbajt me dyer të mbyllura dhe zgjati rreth një orë.
Pas përfundimit të mbledhjes kreyetari i Komisionit, Haxhi Shala, tha se zëvendësdrejtori Ajeti ka thënë se deri tash kanë ikur drejt vendeve të Evropës 50 mijë kosovarë.
Shala tha se është detyrë e politikanëve të Kosovës t’i shikojnë nga afër qytetarët që migrojnë dhe të merren hapa për parandalimin e kësaj dukurie.
Ai tregoi se Bashkim Smakaj, sipas raportimit të zëvendësdrejtorit Ajeti, ka dhënë dorëheqje, por komisioni nuk i di arsyet e saj.Shala mohoi se Smakaj ka marrë dokumente të AKI-së kur e ka lëshuar agjencinë.