Ushtarët britanikë ndodhen në Irak për të trajnuar forcat kurde që luftojnë kundër Shtetit Islamik, njoftoi ministri britanik i Mbrojtjes.
Një ekip specialistësh është i pranishëm në rajonin e Erbilit, kryeqytet i Kurdistanit, rajon autonom kurd në veri të Irakut dhe trajnon luftëtarët kurdë, për të përdorur mitralozat e rëndë që Britania e Madhe iu akordoi në muajin shtator.
”Kjo nismë u miratua nga sekretari i Mbrojtjes, Michael Fallon”, deklaroi një zëdhënës i ministrisë britanike.