Aviokompania Katar Ervejz (Qatar Airways) kaloi plotësisht në aeroportin e ri në Doha - Hamad International, në të cilin janë investuar 15 miliardë dollar amerikanë.
Aeroporti i ri ndodhet 16 km larg qendrës së qytetit dhe 4 km nga aeroporti i deritanishëm në Doha. Shtrihet në një hapësirë prej 29 kilometrash katrorë, ose hapësirë e barabartë me 4061 fusha futbolli ose më shumë se 1/3 e hapësirës së qytetit të Dohas.
Kapaciteti fillestar i aeroportit do të jetë 30 milionë udhëtarë, kurse pasi të kompletohet pritet të pranojë deri në 50 milionë udhëtarë në vit. Për një orë kapaciteti i aeroportit është 8700 udhëtarë.
Më shumë se 50 mijë punëtorë u angazhuan në ndërtimin e aeroportit, me 1000 arkitektë, dizajnerë, konsultantë, inxhinierë dhe project-inxhinierë. Udhëtarët, gjatë kalimit nëpër këtë aeroport, do të ndjehen sikur kalojnë nëpër një galeri, sepse do të kenë mundësi të shohin vepra të shumta të artistëve nga e gjithë bota. Përveç kësaj, nëse kanë kohë deri në udhëtimin e radhës, ata mund të vendosen në hotel me katër yje, të shfrytëzojnë pishinën, spa qndrën,qendër fitnesi etj/tetovanews.info
Shikojeni se si duket kjo çudi edhe pse ende nuk është e përfunduar: