Një lojtar në Indonezi ka ndërruar jetë pas përplasjes me portierin e tij. Lojtari nuk arriti t’i mbijetojë goditjes, ndonëse për gjashtë ditë qëndroi në kujdes intensiv.
Një ngjarje tejet tragjike ka ndodhur në elitën e futbollit të Indonezisë.
Lojtari, Akli Fairuz, ka gjetur vdekjen pas një përplasje që pati me portierin e skuadrës së tij, Agus Rahman.
Ky i fundit e goditi me këmbë bashkëlojtarin e tij në abdomen, teksa ky i fundit menjëherë u dërgua në spital.
Edhe pse qëndroi për gjashtë ditë në kujdes intensiv, Fairuz nuk mbijetoi duke e shndërruar një ndërhyrje krejt të rastësishme në futboll në një tragjedi.