Ato me gjunj të zbuluara sikur të kishin ndjesi për të gjallët, sigurisht se shoqërisë sonë nuk do t’i sëmurej për vdekje morali

Mini-fundi është bërë veshja më normale edhe në mesin e grave dhe vajzave shqiptare dhe muslimane. Madje ta kritikosh një dukuri të tillë të shohin si jonormal! Kudo që ulen, gjoja se zihen ngushtë, mundohen ta ngrehin teposhtë mini-fundin me gishtat e tyre me thonj të paprera. Harrojnë se e shkurtëra e shkurtër është. Mund ta mbulosh mollëzën e gjurit për pak çaste, por do ta zbulosh belin!

Shumë prej tyre shkojnë edhe për vizitë në varrezat e dëshmorëve me këtë lloj të veshjes. Disa prej të pranishmëve u habitën se si ka mundësi me kësi lloj veshjesh të vizitohen varrezat e dëshmorëve. Ndërsa mua kjo fare nuk më habiti, sepse unë nuk kërkoj që ato t’i nderojnë ata që u nderuan prej të madhit Zot, por unë kërkoj të nderohen fillimisht të gjallët, edhe pse nuk duhet të mungon nderi si në sjellje ashtu edhe në veshje në varrezat e dëshmorëve dhe gjetiu. Kësodore, asgjë nuk është të shkohet me mini-fund në varrezat e dëshmorëve krahas sorollatjeve me kësi lloj (zh)veshjesh në mesin e të gjallëve kudo!



Burimi:Iljasa Salihu