Unë juve tërësisht ju kuptoj dhe plotësisht ju mirëkuptoj, ndaj të paktën ju mos më keqkuptoni

Të gjithë atyre që u pengojnë publikimet e mia, me plot çiltërsi u them se kanë të drejtë, ngase unë përmes kësaj forme, duke mos i përjashtuar edhe format tjera, haptas i kam hapur dhe shpallur luftë të keqës. Nënkuptohet se kjo betejë kujt dhe dikujt i pengon!

Me këtë nuk dua të them se tërësisht jemi të mbërthyer prej të keqës. Kemi mirë e kemi keq, të arritura e ngecje, vjellje nga të ushqyerit e tepërt dhe kërcitje zorrësh prej urisë, ndaj përmes kësaj përpjekje, thjeshtë jam duke i ndihmuar këshilltarëve të cilët paguhen për këshilla edhe pse nuk këshillojnë sa duhet, ndërsa unë edhe pse nuk paguhem fare për këtë që e bëj, sërish nuk përtoj të jap këshilla dhe shtigje. Fal Zotit që nuk jam i vetëm në këtë rrugëtim!



Burimi:Iljasa Salihu