Javën e kaluar, gjatë publikimit të të ardhurave financiare të tremujorit të fundit, Facebook zbuloi se kishte 1.23 miliardë përdorues aktivë, 757 milionë përdorues aktivë ditorë, 945 përdorues aktivë mobile dhe 556 përdorues aktivë ditorë mobile. Në dokumentet zyrtare të dorëzuara gjatë fundjavës, kompania vlerëson se rreth 5.5 – 11.2% e llogarive në Facebook janë të rreme.
Në shifra kjo përqindje përkthehet në 67.65 milionë llogari të cilat janë përdorur gjatë muajit të fundit. Numri mund të arrijë deri në 137.76 milionë, nëse i referohemi kufirit maksimal të vlerësimit.
Ja se si e shpjegon Facebook-u rangun 5.5 – 11.2%:
- 4.3% – 7.9% e llogarive ishin dublikime (çka do të thotë se një person ka krijuar më tepër se një llogari për një individ), ose në shifra konkrete: 52.89 – 97.17 milionë.
- 0.8% – 2.1% janë klasifikuar gabimisht (çka do të thotë se dikush ka krijuar një llogari për diçka dhe jo për dikë), ose në shifra konkrete 9.84 – 25.83 milionë.
- 0.4% – 1.2% janë llogari të padëshirueshme (çka do të thotë se shkelin rregullat e Facebook-ut), ose në shifra konkrete 4.92 – 14.76 milionë.
Sigurisht, të gjitha këto janë vlerësime. Facebook ka dhënë më parë një shifër për secilën prej kategorive të përmendura më lart, por tashmë ofron një rang numrash për të qenë më të saktë. (PCWorld Albanian)