Nga Rami Miftar Laçi
Që nga viti 1940 dhe deri në vdekjen e saj, Helen Kramer na siguronte për Loraine Allison , megjithatë, analiza e ADN-së në fund të fundit, zbuloi tentativat e rrejshme...
Helen Kramer u demaskua plotësisht shumë vjet pas vdekjes por kjo edhe nuk është më karakteristikja e kësaj historie. Ajo që nga viti 1940 e gjer në largimin për në amshim, pohonte të jetë Loraine Allison, vajza dy vjeçare që udhëtonte me prindërit e pasur dhe vëllain e vogël për në New York e pastaj për në Kanada. 102 vite pas fundosjes së Titanic-ut, misteri “i fundit” mori fund.
ADN-ja sqaron pa mëdyshje se pasagjerja e vogël, kufoma e së cilës nuk u gjet asnjëherë (ja ky mister mbetet disi pazbërthyer,) nuk është dhe nuk mund të jetë zonja Helen Kramer. I vetmi që shpëtoi nga familja katër anëtarëshe ishte vëllai i Loraine-s, të cilin në ato momente kritike e kishte në krahë njëra nga kujdestaret e tij.
Mirëpo, pas 25 vjetësh, gjegjësisht më 1940, Helen Kramer nisi të dëshmojë se ajo ishte Loraine nga Titanic-u. Ajo vazhdoi tentativën e saj edhe pse pasardhësit e familjes Allison e këshilluan të heq dorë nga këto marrëzira. Dëshmitë e të mbijetuarëve ishin në favor të Allisonëve. Ata deklaruan se familja në çastet e fundosjes së anijes ishte në bord. Kufoma e z. Allison-it u gjet dhe kjo disi zbërthente një pjesë të misterit.
Dhe pas 102 vjetësh, në një takim të rastit që i ngjau, zonjësTracy Oost, patologe dhe studiuese në Universitetin e Sudbury-t, në Kanadë, ajo tregon: " Unë isha për pushime me familjen time në Ontario, kur banorët e rinj të shtëpisë, Allison-ët, më thanë se ata ishin në kërkim të ndonjë shkencëtari i cili mund të kujdeset për një çështje të tyre."
Me ndihmën e bijve të dy familjeve, shkencëtarja mbërrini të kryen testin dhe kështu të përfundojë shpresat e familjes Kramer ...: "Familja Allison tani është e kënaqur. Deklarata të tilla si të zonjës Kramer mund të hapin plagë të dhimbshme, edhe pse shumë breza kanë lindur në ndërkohë ", u shprehë shkencëtarja kandeze.
Kush ishte Helen Kramer?
Tracy Oost, me këto teste i dha fund një herë e përgjithmonë misterit Loraine Allison, por jo edhe krejt historisë rreth kësajë çështje. Tani pyetemi se kush ishte në të vërtetë Helen Kramer, e cili vdiq më vitin 1992? "Ndoshta ajo besonte sinqerisht që të jetë Loraine Allison, ndoshta vuante nga ndonjë sëmundje mendore, ose mendonte se Allison-ët do të pranonin dhe në këtë mënyrë do të mund të marrë një trashëgimi?” Kështu e shpjegon këtë aferë zonja Tracy Oost.
 |
Bess Allison me fëmijët Loraine dhe Trevor
Por si duket familja Kramer e ka pasion ose obsesion një qasje të këtillë ngase mbesa e Helen-ës beson gjithmonë dhe pretendon se gjyshja e saj, pavarësisht nga rezultatet e ADN është Loraine nga Titanic-u. Ky pretendim tani më kalon në paturpësi...
Tracy Oost deklaroi akoma se shkenca tashmë ka disa mënyra për t'iu përgjigjur këtyre pyetjeve të reja dhe vazhdon: "Ne mendojmë se ajo (Helen) ishte më e vjetër se mosha e saj, dhe ajo ka gënjyer disa herë në lidhje me datën e saj të lindjes. Sipas disa dokumenteve, do të ishte me rrënjë poloneze ose gjermane. Shpresohet tani pas fakteve dhe publikimeve rreth çështjes në fjalë, familja e largët, e cila nuk dinte asgjë për këtë histori tani do të mund të shprehen dhe të vërtetohet kush ishte saktësisht Helen Kramer.
Tracy Oost deklaroi akoma se shkenca tashmë ka disa mënyra për t'iu përgjigjur këtyre pyetjeve të reja dhe vazhdon: "Ne mendojmë se ajo (Helen) ishte më e vjetër se mosha e saj, dhe ajo ka gënjyer disa herë në lidhje me datën e saj të lindjes. Sipas disa dokumenteve, do të ishte me rrënjë poloneze ose gjermane. Shpresohet tani pas fakteve dhe publikimeve rreth çështjes në fjalë, familja e largët, e cila nuk dinte asgjë për këtë histori tani do të mund të shprehen dhe të vërtetohet kush ishte saktësisht Helen Kramer.
