Elizabeth Taylor është e famshme për numrin e saj të martesave, plot 8 të tilla. Por aktorja ishte thjesht një amatore krahasuar me 78 vjeçaren Linda Wolfe, e cila është martuar plot 23 herë gjatë jetës së saj. Për gjithfarë arsyesh lidhjet e saj nuk funksiononin, ndërsa dy nga burrat rezultuan të ishin gay, ndërsa disa të tjerë e tradhtonin. Ndërkohë arsyeja e ndarjes me një burrë tjetër ishte sepse ky i fundit e mbante nën kontroll. Dy nga burrat e tjerë ishin të pastrehë, ndërsa një tjetër ishte i dënuar dhe kishte vetëm një sy. Martesa e fundit ndodhu 15 vite më parë me Glynn Wolfe, me të cilin u martua për publicitet duke qenë se ky i fundit ishte martuar 29 herë dhe me Lindën shënonte rekord, transmeton noa. Gruaja ishte zbehur nga ndjenjat dhe romanticizmi i martesës, kështu që martohej me këdo që frekuentonte. Por pavarësisht kësaj ajo nuk është e kënaqur nga jeta që ka bërë, ndaj këshillon që vajzat të bëjnë të kundërtën e saj dhe të martohen me një njeri të vetëm. Linda pas martesës me Glyn Wolfe nuk u rimartua më, ndoshta sepse në vitin 1997 burri i saj vdiq, duke lënë pas 29 ish-gra, 19 fëmijë, 40 nipër dhe 19 stërnipër, por asnjëri prej tyre nuk u paraqit në funeral.