Bariu bolivian, njeriu më i vjetër në botë, është 123 vjeç

 Një bari bolivian i lindur në vitin 1980, dhe që ende mbahet i fortë, është shpallur njeriu më i vjetër që ka jetuar ndonjëherë në planet. Carmelo Flores Laura mbushi 123 vjeç muajin e shkuar, sipas të dhënave të regjistrimit të  tij të lindjes.

 

 E megjithatë, bariu, i cili jeton në një fshat malor në Frasquicia, 50 kilometra nga kryeqyteti La Paz, është në gjendje të mirë shëndetësore, ecën vetëm pa nevojën e ndonjë shkopi dhe nuk ka nevojë as për syze. Burri që ka pasur tre fëmijë të cilët nuk jetojnë më, 16 nipër dhe 39 stërnipër ka qenë 24 vjeç kur mori fund Lufta e parë botërore.

Boliviani me moshë biblike zbret nga froni në këtë mënyrë njeriu që deri më tani konsiderohej si rekord botor për jetëgjatësinë, 115 vjeçaren japoneze Misao Okawa ( e cila është ende gjallë), por  edhe francezen Jeanne Calment, e cila vdiq në vitin 1997 dhe është verifikuar se ka jetuar 122 vjeç.