Me lançimin e versionit të përditësuar të shfletuesit Opera përdoruesit do të kenë mundësi që të përfitojnë nga përmirësimet, ku sigurisht përfshihet rritje e shpejtësisë së performancës, një prej karakteristikave më të rëndësishme për një shfletues.
Versioni 15-të i Opera-s është i disponueshëm në Google Play që prej ditës së martë dhe një nga gjerat që ofron është një kohë shumë e shkurtër e hapjes së aplikacionit krahasuar me versionet e mëparshme. Tashmë është e mundur që përdoruesit:
- Të shkarkojnë videot dhe t’i shohin ato direkt nga shfletuesi.
- Të përcaktojnë vendndodhjen e çdo skedari që shkarkojnë.
- Mund të hapin dokumentet nga shfletuesi duke përdorur një kartë SD të jashtme.
Përveç këtyre funksionaliteteve përdoruesit do të tërhiqen më tepër edhe nga përmirësimet e dizajnit të faqes si dhe shtimit të menusë së navigimit privat “open in private tab”.
Opera ka punuar shumë edhe për ndreqjen e disa gabimeve duke përmirësuar metodat e fshirjes së “cookies”, një prej problemeve kryesore që ka sjellë çinstalimin e këtij shfletuesi nga shumë pajisje Samsung. Në përgjithësi mund të themi se versioni 15-të i Opera-s është më i shpejtë dhe më i qëndrueshëm. (PCWorld Albanian)
