Tjetër operacion për Puyol

Mbrojtësi i Barcelonës, Carles Puyol, të mërkurën do t’i nënshtrohet një tjetër ndërhyrjeje kirurgjike në gjurin e djathtë për të larguar një cist, ndërsa kjo do ta mbajë rreth tri-katër javë jashtë fushe.

Spanjolli 35-vjeçar ka përjetuar lëndime të shumta në sezonin e kaluar, të cilat e kanë detyruar të bënte dy operacione po në gjurin e djathtë, theu ashtin e mollëzor dhe e nxori nga vendi bërrylin.

Lëndimet ia kufizuan numrin e paraqitjeve me Barcën, ia penguan pjesëmarrjen në Euro 2012 dhe në Kupën e Konfederatave në Brazil.