Kryeministri i Shqipërisë Sali Berisha gjatë prezantimit në Paskuqan të kandidatëve për deputet në zgjedhjet e 23 qershorit, prezantoi himnin e fushatës së demokratëve. Kryeministri i ka qëndruar besnik grupit të njohur “Elita 5” nga Tetova duke i besuar sërish himnin e fushatës, pas suksesit të këngës “Shqipëria po ndryshon” në zgjedhjet vendore. Edhe në këtë këngë “Elita 5″ nuk janë të vetëm, por kanë ftuar këngëtarë nga gjitha trevat e vendit.Ndërsa ne rrjetin social Facebook, kryeministri i Shqipërisë njëkohësisht kryetari i PD-së, pas publikimit të himnit shkruan “Te dashur miq, Elita 5 paraqiti sonte himnin e fitores sone te madhe. Me tekstin e shkelqyer te Armand Trebickes dhe zerin brilant te Elita 5, Soni Malajt, Genta Ismajlit, Vesa Lumes, Eni Koçit, Vedat Ademit dhe Renis Gjokes ne ecim perpara drejt fitores se 23 qershorit. Jam i bindur se kete keng do ta kendojme te gjithe sebashku nga sot deri ne fitoren tone!”
Teksti i himnit: “Ne çdo moment, ky vend ndryshon, te ardhmen shoh ne horizont / E sotmja na perket, e ardhjmja ne na pret dhe krenari na zgjon, ne jemi ndryshimi / Jemi ndryshimi, jemi ndryshimi, te gjithe duart t’i bashkojme / Jemi ndryshimi, jemi ndryshimi mbi Cdo sfide ne do fitojme / Nen qiellin blu dhe pa re, na pret te gjithe nje dite e re, nje shprese e re / Motivi yne je ti, e jona Shqiperi prandaj çdo dite ndryshon”.
