Errësira “ndriçon” krijimtarinë. Një studim gjerman tregon se drita e mjegullt, jo e plotë stimulon krijimtarinë, mendimet dhe ndihmon shpesh që të gjenden zgjidhje për problemet që i mundojnë njerëzit.
Rezultati në fjalë siç raporton Noa.al, u eksperimentua nga Anna Steidle e Universitetit të Stuttgart dhe Lioba Werth e Universitetit të Hohenheim, të cilat u publikuan në “Journal of Environmental Psychology”.
Studiueset mbajtën në vëzhgim dy grupe personash, të vendosur përballë situatave të ndryshme, ku ata persona që punonin me dritë të plotë nuk kishin ndonjë krijimtari të madhe.
Ndërkaq pjesa tjetër, ajo që qëndronte në errësirë dhe në dritë jo të plotë treguan aftësi dhe kreativitet më të madh. Ky eksperiment u përsërit disa herë me radhë, derisa u krijua bindja dhe u analizuan rezultatet që përputheshin.a.y/noa
