Gazeta MAPO u ka kërkuar të marrin përsipër kë do të mbështesin (endorsement) 9 analistëve, Bushatit, Nazarkos, Shkullakut, Zhejit, Bazes, Hoxhës, Çanit, Dritan Hilës (dhe shton aty dhe Lubonjën, që bëri thirrje për t’i vënë një kryq të madh politikës shqiptare)
Arian Çani thotë se “ Rama është kopje e keqe e Berishës; të mbajmë origjinalin” Më tej, moderatori i Zonë e Lirë në TV Klan, thotë se nuk di kush do t’i fitojë zgjedhjet në 23 qershor, por “di se kush nuk duhet t’i fitojë. Personalisht do ta konsideroja një kthim mbrapa dhe një aventurë të rrezikshme rikthimin në pushtet të Edi Ramës dhe shpurës së tij servile.”
Armand Shkullaku, Drejtor në ABC News, thotë se “koalicionit të majtë i mungojnë dy gjëra: së pari ajo që është thënë prej shumë kohësh, i mungon fryma. Pra një lloj entuziazmi, programi, vizioni, ideje, kauze të madhe, me të cilën opozitat vijnë në pushtet dhe bëjnë ndryshime…”
Mentor Nazarko, thotë se “zgjedhjet i fiton opozita e bashkuar, sepse do t’i humbë qeveria”
Dritan Hila, kundër Berishës. “Tashmë në këtë vend, e vetmja shpresë për të sjellë ndryshimin, është pikërisht dufi i këtyre njerëzve. Është dialektika e jetës që do ta shpëtojë Shqipërinë nga laku i Berishës” thotë ai.
Fatos Lubonja, përsërit qëndrimin në një shkrim të Panoramës, kryqin fletës! “Sa më shumë vota me kryqe, aq më shumë do të vihet në dukje se ka ardhur koha kur, siç thonë këta të rinjtë në këngën që po ju dërgoj – me shpresë se do ta fusni në faqet në internet të Mapos – t’i themi kësaj kaste “Mjaft më me ju” se “është koha kur nuk durohet dot më”.”
Artan Hoxha, shprehet se “Me shumë gjasë, rezultati rrotë më rrotë”, pa pranuar të bëjë endorsement, që gjithsesi lihet i nënkuptuar. “PD dhe PS s’mund të kenë të vetme 71 deputetë. Në fakt kjo s’është e re sepse këtë përfitim demokratik e patëm që nga zgjedhjet 2009, e në fakt edhe në ato 2005, por është e shëndetshme që kjo do të vazhdojë, siç do të vazhdojë, edhe pas zgjedhjeve 2013.”
Mero Baze, kundër Berishës. “Fjalori rreth 23 Qershorit është reduktuar shumë dhe fjalia e duhur që ka mbetur për të thënë është që më 23 Qershor duhet të ikë Berisha.”
Artur Zheji, nuk prononcohet, por nënkuptohet që i pëlqen “një forcë e tretë”. “I gjithë ky duel nuk mund të kuptohet si një duet pasiqë një forcë e tretë e madhe dhe e fuqishme dhe përcaktuese njëkohësisht, për fituesin e 2013 ka frymën e vet dhe një doktrinë të pamvarur. Dhe nuk janë të papërfillshme forca të tjera të treta…”
Andi Bushati, kundër Berishës. “Por nuk është vetëm çështja e performancës; vota kundër Sali Berishës është edhe votë historike, sepse është një brez i tërë 40-45-vjeçarësh të cilit edhe unë i përkas, që, po të bëjnë sot një llogari, kanë jetuar më shumë vite politike nën Sali Berishën se sa nën Enver Hoxhën. Pra, këtë radhë, vota e 2013 është edhe një përpjekje që të mos krijojmë me votë udhëheqës të përjetshëm.”
k.c./respublica
Arian Çani thotë se “ Rama është kopje e keqe e Berishës; të mbajmë origjinalin” Më tej, moderatori i Zonë e Lirë në TV Klan, thotë se nuk di kush do t’i fitojë zgjedhjet në 23 qershor, por “di se kush nuk duhet t’i fitojë. Personalisht do ta konsideroja një kthim mbrapa dhe një aventurë të rrezikshme rikthimin në pushtet të Edi Ramës dhe shpurës së tij servile.”
Armand Shkullaku, Drejtor në ABC News, thotë se “koalicionit të majtë i mungojnë dy gjëra: së pari ajo që është thënë prej shumë kohësh, i mungon fryma. Pra një lloj entuziazmi, programi, vizioni, ideje, kauze të madhe, me të cilën opozitat vijnë në pushtet dhe bëjnë ndryshime…”
Mentor Nazarko, thotë se “zgjedhjet i fiton opozita e bashkuar, sepse do t’i humbë qeveria”
Dritan Hila, kundër Berishës. “Tashmë në këtë vend, e vetmja shpresë për të sjellë ndryshimin, është pikërisht dufi i këtyre njerëzve. Është dialektika e jetës që do ta shpëtojë Shqipërinë nga laku i Berishës” thotë ai.
Fatos Lubonja, përsërit qëndrimin në një shkrim të Panoramës, kryqin fletës! “Sa më shumë vota me kryqe, aq më shumë do të vihet në dukje se ka ardhur koha kur, siç thonë këta të rinjtë në këngën që po ju dërgoj – me shpresë se do ta fusni në faqet në internet të Mapos – t’i themi kësaj kaste “Mjaft më me ju” se “është koha kur nuk durohet dot më”.”
Artan Hoxha, shprehet se “Me shumë gjasë, rezultati rrotë më rrotë”, pa pranuar të bëjë endorsement, që gjithsesi lihet i nënkuptuar. “PD dhe PS s’mund të kenë të vetme 71 deputetë. Në fakt kjo s’është e re sepse këtë përfitim demokratik e patëm që nga zgjedhjet 2009, e në fakt edhe në ato 2005, por është e shëndetshme që kjo do të vazhdojë, siç do të vazhdojë, edhe pas zgjedhjeve 2013.”
Mero Baze, kundër Berishës. “Fjalori rreth 23 Qershorit është reduktuar shumë dhe fjalia e duhur që ka mbetur për të thënë është që më 23 Qershor duhet të ikë Berisha.”
Artur Zheji, nuk prononcohet, por nënkuptohet që i pëlqen “një forcë e tretë”. “I gjithë ky duel nuk mund të kuptohet si një duet pasiqë një forcë e tretë e madhe dhe e fuqishme dhe përcaktuese njëkohësisht, për fituesin e 2013 ka frymën e vet dhe një doktrinë të pamvarur. Dhe nuk janë të papërfillshme forca të tjera të treta…”
Andi Bushati, kundër Berishës. “Por nuk është vetëm çështja e performancës; vota kundër Sali Berishës është edhe votë historike, sepse është një brez i tërë 40-45-vjeçarësh të cilit edhe unë i përkas, që, po të bëjnë sot një llogari, kanë jetuar më shumë vite politike nën Sali Berishën se sa nën Enver Hoxhën. Pra, këtë radhë, vota e 2013 është edhe një përpjekje që të mos krijojmë me votë udhëheqës të përjetshëm.”
k.c./respublica