Përveç sulmeve me anë të deklaratave politike, PD ka nisur edhe një tjetër betejë ndaj opozitës. Bëhet fjalë për luftën kibernetike.
E nisën me deputetin më kritik të opozitës, Erjon Braçe, postimet e të cilit në “Facebook” kur përmendej emri i Sali Berishës, zhdukeshin në mënyrë automatike. Madje, faqja e tij është marrë disa herë nga hackerat.
Kjo gjë ndodhi edhe me nënkryetarin socialist, Namik Dokle dhe së fundmi edhe me kreun e PS-së, Edi Rama.
TCH raporton se dy ditët e fundit nga faqja e Ramës janë fshirë një postim ku çdo qytetar mund të llogariste përfitimin nga taksimi ndeërshëm, përfshi një spot në formën e videos i quajtur “Përfshiu në Rilindje”.
“Sipas ekspertëve të rrjeteve sociale mësohet se kjo kryhet nëpërmjet krijimit nje scripti automatik, me të cilin kanë lidhur butonin “report”, i cili shërben për të denoncuar çdo gjë të pahijshme në “Facebook”.
Ky script vendoset në faqe të klikuara dhe kur njerëzit klikojnë për të lexuar praktikisht pa dijeninë e tyre, bëjnë teknikisht një report për postin e Ramës.
Një tjetër metodë është futja e njerzve të caktuar me llogari të rreme, gjoja si mbështetës të Ramës të cilët më pas i dërgojnë serverit qëndrorë të
”Facebook”, denoncime të postimeve të kryesocialistit”, sqaron TCH këtë fenomen më të fundit./b.l