Një historian i krahut të djathtë në Francë vrau veten para qindra turistëve në të famshmen katedrale “Notre Dame”.
Dyshohet se ai e kreu vetëvrasjen si protestë ndaj martesave të homoseksualëve.
Dominique Venner, që së fundmi ishte përfshirë në fushatë kundër martesave të homoseksualëve në Francë, thuhet se eci me qetësi mes turmës në katedralen 850- vjeçare dhe ndaloi në altar. Më pas 78- vjeçari nxori armën, e futi në gojë dhe vrau veten.
Katedralja është një nga vendet më të njohura në botë dhe vizitohet nga mijëra turistë.
Venner ka marrë një nga çmimet më prestigjioze të Akademisë Franceze për punën e tij.
Po ashtu ka qenë pjesë e një grupi paramilitar që luftonte kundër faktit që Franca duhej të hiqte dorë nga Algjeria si koloni e saj.
Ai ishte burgosur për rolin e tij në këtë organizatë paramilitare.
Mediat raportojnë se katoliku i ekstremit të djathtë ishte tërbuar kur parlamenti i Francës miratoi ligjin për martesat e homoseksualëve.
Në Notre Dame kanë ndodhur në të shkuarën shumë vetëvrasje, por zakonisht njerëzit hidhen nga kulla./ep