Nga Kastriot Myftaraj
10 qershor 2010
Aksioni izraelit kundër të ashtuquajturës flotë paqësore në ndihmë të Gazës, e cila në fakt ishte një forcë mercenareve e sheikëve wehabistë, paralajmëron ngjarjet e mëdha të së ardhmes, jo vetëm në Lindjen e Mesme, por edhe më gjerë. Terrorizmi në Gaza është vetëm një aspekt i sfidës së sigurisë me të cilën ballafaqohet Izraeli. Bllokada e Gazas dhe sulmi ndaj flotës janë veprime të kryera në pajtim me raison d’ etat. Por dinamika e ngjarjeve do të çojë edhe në shkallëzimin e raison d’ etat nga ana e Izraelit, në mbrojtje të sigurisë së tij. Problemi kryesor për Izraelin nuk është Gaza, e cila është në kufi me Egjiptin dhe nga ku kolonët izraelitë janë larguar. Problemi kryesor për Izraelin është province tjetër e Autoritetit Palestinez, Bregu Perëndimor i Lumit Jordan, i cili formon një njësi gjeografike me Jerusalemin Lindor, të cilin palestinezët pretendojnë ta bëjnë kryeqytetin e shtetit të tyre.
Realiteti demografik i Bregut Perëndimor imponon në atë ardhmen shkallëzimin e aksioneve izraelitë, duke marrë një natyrë dhe përmasa të panjohura deri më sot. Në Bregun Perëndimor, me sipërfaqe prej 5 880 km², jeton një popullsi arabe muslimane prej 2.5 milion banorë. Këtu përfshihet edhe popullsia arabe muslimane e Jerusalemit Lindor. Në Bregun Perëndimor jetojnë mbi 300 000 izraelitë. Në Bregun Perëndimor dhe në Jerusalemin Lindor jetojnë rreth 600 000 izraelitë ose 6.5% e popullsisë së përgjithshme të Izraelit, por që përbëjnë 10 % të popullsisë hebreje, se vetëm 75% e popullsisë së Izraelit është hebreje. (Tek 25% i mbetur sigurisht që nuk llogaritet popullsia e dy provincave të Autoritetit Palestinez). Mbi 250 000 izraelitë jetojnë në Jerusalemin Lindor, të cilin palestinezët kërkojnë ta kenë kryeqytetin e shtetit të tyre. Jerusalemi Lindor sot ka 450 000 banorë, nga të cilët, nga të cilët 190 000 janë hebrej dhe rreth 250 mijë janë arabë muslimanë.
Rritja e madhe demografike e popullsisë palestineze është duke u shndërruar gjithëherë e më tepër në kërcënim strategjik për Izraelin, për shkak se kjo popullsi ka prirje ekstremiste islamike. Në këto rrethana raison d’ etat, domethënë nevojat e sigurisë nacionale i imponojnë Izraelit që të ndërmarrë një aksion masiv për eliminimin e këtij rreziku. Logjika e aksionit kundër flotës të drejtuar në Gaza të thotë se Izraeli në të ardhmen do ta shpallë Lumin Jordan kufirin e vet strategjik, duke dëbuar përtej këtij kufiri në Jordani 2.5 milion arabët që jetojnë në Bregun Perëndimor, ose sa do të jenë ata në kohën kur do të ndërmerret ky aksion.
Izraeli nuk do të hezitojë që ta bëjë këtë se qëndrimi i Perëndimit ndaj Islamit do të ndryshojë shumë në të ardhmen jo të largët. Nëse prirjet demografike në Europë lejohet të ecin ashtu si janë duke ecur sot, atëherë për shkak të rënies së popullsisë vendase në vendet e Europës Perëndimore, rritjes së madhe demografike të emigracionit musliman, si dhe të vazhdimit të emigracionit musliman, Europa Perëndimore në mes të këtij shekulli do të jetë si Bosnjë-Herzegovina në 1992. Në fakt ka një literaturë të tërë islamike që tregon me shifra se si Islami do ta pushtojë Perëndimin, posaçërisht Europën Perëndimore, me anë të Xhihadit demografik.
Natyrisht që në Europë ka forca të tjera, të cilat nuk mund të rrinë pa reaguar në një situatë të tillë. Demokracia dhe korpusi i lirive dhe të drejtave të njeriut kanë lindur në një kontekst të caktuar demografik, dhe ndryshimi i këtij konteksti nuk mund të mos i modifikojë ato. Rritja e këtij rreziku do të bëjë që në Perëndim të instalohen regjime autoritare, të cilat do të ndërmarrin veprimet e nevojshme për eliminimin e këtij rreziku, duke mos u ndalur edhe para dëbimeve masive me forcë të të islamikëve. Në të njëjtën kohë, këto regjime perëndimore të llojit të despotizmit të ndritur, do të ndërmarrin edhe politika shtrënguese për të bërë të mundur rigjallërimin demografik të nacioneve (kombeve) të tyre. Në këtë atmosferë ndërkombëtare, Izraeli nuk do ta kete të vështirë që të ndërmarrë veprimet e tij të forta, të përmendura më lart, madje do të shihet me simpati kur ta bëjë këtë gjë. Aksionet izraelite të këtij lloji do të do të shërbejnë si manuali që do të ndiqet nga vendet europianoperëndimore.
Në luftën globale kundër rrezikut islamik do të hyjë me shumë dëshirë edhe India, superfuqia e së ardhmes. SHBA, në vitin 2008 nënshkruan një marrëveshje me Indinë për t ‘ i dhënë asaj asistencë për projektin e saj bërthamor, dhe kjo bëhet për ta përdorur Indinë si kundërpeshë ndaj Kinës. Nuk ka shpjegim tjetër fakti që SHBA-të e bënë këtë gjë edhe pse India nuk pranon ta nënshkruajë Traktatin për Mospërhapjen e Armëve Bërthamore! Por një Indi që do të fuqizohet shumë ushtarakisht, do të joshet të rivlerësojë aspiratat e veta. Si do të sillet India, e cila në 2025 do të ketë 1.5 miliard banorë, në një situatë ndërkombëtare kur Islamofobia do të jetë shtuar shumë, për arsyet që tregova më lart?
Armiqësia e Indisë me Pakistanin nuk ka të bëjë vetëm me çështjen e Kashmirit. Në të vërtetë India e shikon shtetin e Pakistanit dhe popullsinë muslimane të tij, si uzurpues të arealit historik të formimit të qytetërimit Indian, luginës së Lumit Ind. Ky lumë, nga i cili e ka marrë emrin shteti i Indisë, si dhe feja e 81% të popullsisë së vendit, feja hindu, sot gjendet në Pakistan dhe jo në Indi. Pjesa më e madhe e Luginës së Lumit Ind sot është në Pakistan. Indianët e shikojnë këtë si një padrejtësi historike të madhe, se kjo ndodhi kur muslimanët pushtuan Indinë në shekullin XVI. Për indianët, zemra e territorit të Pakistanit është ajo çka është Kosova për serbët, toka e shenjtë indiane. Derisa Pakistani pritet të shpërbëhet nga dhuna sektare dhe etnike, India, ku radikalizmi hindu sa vjen e po rritet, do të kërkojë që ta rimarrë Luginën e Lumit Hindu, duke i dëbuar prej andej banorët e saj muslimanë, mbi 100 milion njerëz, të cilët do të dynden në vendet muslimane fqinje, në perëndim të Pakistanit dhe më tutje. Sa më tepër që Pakistani destabilizohet, aq më e afërt bëhet një ndërhyrje e përbashkët amerikano-indiane atje, për të marrë armët bërthamore pakistaneze. Kur Pakistani të jetë i privuar nga armatimi bërthamor, India nuk do të ketë hezitim për të marrë çfardo veprimesh ndaj tij dhe popullsisë së tij. Ky skenar mund të ngjajë si i pamundur, si një vizion apokaliptik që kapërcen çdo tmerr që ka ndodhur në histori. Por po aq e vërtetë është se nuk ka ndodhur ndonjëherë në histori që një vend me një miliard e gjysëm njerëz, sa ç’ do të ketë India në 2025, i cili po përjeton një fuqizim të madh ekonomik dhe ushtarak, të pranojë që areali i tij historik, toka e shenjtë e tij, të gjendet e uzurpuar nga popullsitë pushtuese, shteti i të cilave ose do të jetë shpërbërë tashmë, ose do të jetë duke u shpërbërë.
Të gjitha gjasat janë që në dy dekadat e ardhshme Islamofobia do të rritet shumë në botë. Nuk është për t’ u habitur që kjo fushatë të fillojë në Ballkan. Ballkani, i cili në të shkuarën është quajtur “fuçi baruti” e Europës, mund të bëhet “fuçia e barutit” e Islamofobisë globale. Në Ballkan janë bërë shumë eksperimente të fuqive të mëdha, kështu që nuk parashikohet që të eksperimentohet edhe fushata globale antiislamike. Në të vërtetë spastrimi etnik në Bosnjë-Herzegovinë, në 1992-1995 Kosovë, në 1998-1999, dhe në një shkallë më të vogël edhe në Maqedoni, në 2001, qenë pikërisht eksperimente të tilla. Perëndimi i toleroi ato deri në njëfarë shkalle dhe pastaj ndërhyri për t’ i ndaluar. Ashtu siç është e pamohueshme ndërhyrja perëndimore, ashtu është e pamohueshme edhe fakti se spastrimi etnik dhe genocide ndaj muslimanëve u inkurajuan nga Perëndimi në fillim.
Në atmosferën e re ndërkombëtare, ku islamofobia do të jetë rritur në kulm, e cila do të krijohet në të ardhmen jo të largët, vendet fqinje, Serbia, Maqedoni, Greqia, do të gjejnë rastin, madje do të inkurajohen, që të ndërmarrin përsëri ndërhyrje masive ushtarake në Kosovë, Shqipëri, pjesën shqiptare të Maqedonisë, për të luftuar terrorizmin islamik. Ky pretendim i tyre do të lehtësohet nga fakti se institucionet zyrtare të fesë islame në Shqipëri, Kosovë dhe në Maqedoni, bashkësitë islame zyrtare, me vetëdije dhe papërgjegjshëmri i kanë dhënë hapësirës shqiptare në dy anët e kufirit një profil arab. Në mënyrë krejt të panevojshme, dhe me asnjë qëllim tjetër përveç atij për t’ u dhënë viseve shqiptare profil arab, është ndërtuar një numër i madh xhamish krejt në shpërpjestim me numrin e muslimanëve praktikantë. Gjithashtu, në çdo minaret xhamie vihen disa megafonë, të cilët me volumin e ngritur në maksimum, lehin arabisht, për t’ i thënë botës se këto toka më tepër se shqiptare janë arabe.
Në këto rrethana, Islami bëhet një rrezik ekzistencial për nacionin shqiptar, për Shqipërinë si shtet, për Kosovën si shtet. Dilema në të ardhmen jo të largët do të jetë nëse do të pushojë së ekzistuari Islami apo nacioni (kombi) shqiptar. Nacioni shqiptar i ka të gjitha mundësitë që të jetë në ballë të fushatës së ardhshme globale kundër barbarisë islamike, në vend që ta pësojë në këtë fushatë. Ne i kemi të gjitha mundësitë që betejat e para të kësaj fushate të madhe për qytetërimin, të shekullit të XXI, të zhvillohen në Shqipëri, në Kosovë, kundër minorancës së muslimanëve praktikantë të radikalizuar, të cilët i kanë imponuar shumësisë së popullsië që të jetojë në një Shqipëri dhe Kosovë, të cilat paraqiten sa i përket pamjes së jashtme si vende me profil të lartë islamik, çka nuk shpreh realitetin e ndjenjave të popullsisë. Kjo fushatë nuk mund të jetë tjetër veçse deislamizimi i Shqipërisë dhe Kosovës, dhe më tutje i pjesës shqiptare të Maqedonisë. Derisa institucionet zyrtare të fesë islamike në Shqipëri, Kosovë dhe pjesën shqiptare të Maqedonisë, u bënë instrument ëehabist, duke punuar për arabizimin e imazhit të Shqipërisë dhe Kosovës, ato kanë humbur të drejtën e ushtrimit legal të kësaj feje.