Panariti: Problemin me buxhetin e ambasadave e kam bërë të ditur
Kryediplomati Edmond Panariti deklaroi dje i sigurtë se Ministria e Jashtme do të sigurojë funksionimin normal të ambasadave shqiptare të akredituara në botë. Pas denoncimit nga ambasadori Gilbert Galanxhi se Ambasada e Shqipërisë në Shtetet e Bashkuara të Amerikës ndodhet në krizë mbijetese, praktikisht e falimentuar dhe në pamundësi të plotë për të siguruar jetesën e përditshme të diplomatëve e jo më funksionet diplomatike, Panariti u shpreh se problemet në buxhet janë bërë të ditura dhe presin zgjidhje institucionale. “Për shkak të situatave të imponuara nga kriza ekonomike dhe financiare dhe shumë vende të tjera po mbyllin selitë diplomatike dhe po reduktojnë financat për shërbimin e jashtëm diplomatik. Por, ju siguroj se Ministria, do të garantojë funksionimin normal të ambasadave dhe shërbimit diplomatik në vendet ku ajo përfaqësohet natyrisht duke pasur më përparësi qendrat tona kryesore si në Uashington, Bruksel dhe Kombet e Bashkuara. Nuk ka nevojë për panik. Shqetësimet për probleme në buxhet i kam bërë të ditura dhe kam pasur mbështetjen e dy kaheve politike. Problem i kërkon zgjidhje ndërinstitucionale, problemi është transparent. Jemi të hapur dhe nuk kemi gjë për të fshehur”, deklaroi Panariti.
Alarmi i ambasadorit shqiptar në SHBA
Ky reagim i Panaritit erdhi pasi letrës të disa ditëve më parë të ambasadorit shqiptar në Uashington, Gilbert Galanxhi. Ambasadori deklaroi se ambasada është praktikisht e falimentuar dhe në pamundësi të sigurojë as jetesën e përditshme të diplomatëve me paratë që i jep Qeveria e jo më funksionet diplomatike.
FRD: Skandali i ambasadës
tregon degradimin e diplomacisë
Fryma e Re Demokratike ka reaguar për skandalin e ambasadës shqiptare në Uashington. Në një deklaratë për mediat ata kanë nënvizuar se ky është tregues i degradimit të etikës dhe situatës dramatike në diplomaci. Sipas FRD-së “skandali është edhe më i madh kur kjo ndodh në ambasadat tona në vendet kryesore”. Në deklaratë thuhet se skandali për ambasadën shqiptare nuk u bë publike nga qeveria dhe se kjo e fundit mbyll çdo mundësi për informimin e publikut.
Ja shtetet ku Shqipëria ka Përfaqësitë e saja Diplomatike
Kush janë 55 ambasadorët dhe konsujt e Shqipërisë në botë
1. ARABI SAUDITE
Admirim Banaj
Ambasador
2. AUSTRI
Vili Minarolli
Ambasador
3. UNOV.OSBE
Spiro Koçi
Ambasador
4. BELGJIKË
Ilir Tepelena
Ambasador
5. NATO
Artur Kuko
Ambasador
6. BASHKIMI EVROPIAN
Mimoza Halimi
Ambasadore
7. KËSHILLI I EUROPËS
Margarita Gega
Ambasadore
8. BRAZIL
Tatjana Gjonaj
Ambasadore
9. BOSNJE-HERCEGOVINË
Flamur Gashi
Ambasador
10. BULLGARI
Petrit Karabina
Ambasador
11. REPUBLIKA ÇEKE
Genc Pecani
I Ngarkuar me Pune
12. DANIMARKË
Arben Cici
Ambasador
13. EGJYPT
Nuri Domi
Ambasador
14. FRANCË
Dritan Tola
Ambasador
15. GREQI
Dashnor Dervishi
Ambasador
16. JANINË
Jako Dako
Konsull i Përgjithshëm
17. SELANIK
Riza Poda
Konsull i Përgjithshëm
18. GJERMANI
Valter Ibrahimi
Ambasador
19. HOLLANDË
Gazmend Barbullushi
Ambasador
20. HUNGARI
Mira Hoxha
Ambasadore
21. KANADA
Elida Petoshati
Ambasadore
22. R.P. e KINËS
Kujtim Xhani
Ambasador
23. KOSOVË
Islam Lauka
Ambasador
24. KROACI
Pëllumb Qazimi
Ambasador
25. INDI
Fatos KERÇIKU
Ambasador
26. ITALI
Llesh Kola
Ambasador
27. Bari
Bashkim Bekteshi
28. MILANO
Nausika Spahia
Konsulle e Përgjithshme
29. IZRAEL
Bujar Skendo
Ambasador
30. ISH-REPUBLIKA JUGOSLLAVE E MAQEDONISË
Arben Çejku
Ambasador
31. JAPONI
Bujar Dida
Ambasador
32. MALAJZI
Idriz Konjari
I ngarkuar me Punë
33. MAL I ZI
Tonin Beci
Ambasador
34. MBRETËRIA E BASHKUAR
Mal Berisha
I ngarkuar me punë
35. POLONI
Florent Celiku
Ambasador
36. PORTUGALI
Edmond Trako
Ambasador
37. RUMANI
Sami Shiba
Ambasador
38. RUSI
Sokol Gjoka
Ambasador
39. SERBI
Shpëtim Çaushi
Ambasador
40. SLLOVENI
Sandër Kovaçi
Ambasador
41. SPANJË
Kastriot Robo
Ambasador
42. SUEDI
Ruhi Hado
Ambasador
43. SHBA
Gilbert Galanxhi
Ambasador
44. NJU JORK
Dritan Mishto
Konsull i Përgjithshëm
45. OKB
Ferit Hoxha
Shef Misioni, Ambasador
46. TURQI
Altin Kodra
Ambasador
47. STAMBOLL
Ermal Muça
Konsull i Përgjithshëm
48. ZVICËR
Mehmet Elezi
Ambasador
49. GJENEVË
Filloreta Kodra
Shefe Misioni
50. VATIKAN
Rrok Logu
Ambasador
51. KUVAJT
Edmond Caca
52. Emirate te Bashkuara Arabe
Behar Bejko
Ambasador
53. KATAR
Ridi Kurtezi
Ambasador
54. SLLOVAKI
Agim Isaku
Ambasador
55. Misioni i Përhershëm i Republikës së Shqipërisë pranë UNESCO-s
Znj. Besiana Kadare
Ambasador
Funksionet e ambasadorëve
Sipas nenit 23, të Ligjit për Shërbimin e Jashtëm ambasadorët kanë për detyrë të iniciojnë dhe të nënshkruajnë instrumente diplomatike. Të japin deklarata dhe të mbajnë qëndrime në emër të Republikës së Shqipërisë. Ambasadorët kanë autoritet mbi të gjitha shërbimet, civile dhe ushtarake që ushtrojnë veprimtarinë në misionin diplomatik. Ai përgjigjet drejtpërdrejt përpara Ministrit të Punëve të Jashtme.