Një makinë- bombë vrau së paku 53 persona dhe plagosi 200 të tjerë në kryeqytetin sirian, Damask.
Ngjarja ndodhi të enjten në një rrugë të ngarkuar, pranë ambasadës së Rusisë dhe zyrave të partisë në pushtet.
Pamjet tregonin trupat e përgjakur në rrugë.
Mediat shtetërore theksuan se shpërthimi ishte bërë nga terroristët që luftojnë presidentin Bashar al- Assad.
Qendra e kryeqytetit Damask nuk është prekur nga luftimet, që janë zhvilluar kryesisht në periferi.
Konflikti i përgjakur në Siri ka marrë 70 mijë jetë.
Rebelët pretendojnë se kontrollojnë disa lagje në lindje dhe në jug të Damaskut.
Rusia mendohet se ka qenë faktori që ka penguar një ndërhyrje ndërkombëtare për të larguar presidentin Assad.
Viktimat e sulmit kanë qenë shumica civilë, mes tyre edhe fëmijë.
