Berisha dhe Rama “harrojnë” takimet në bazë, tani komunikojnë veç online
Edi Rama ishte ndoshta i pari politikan në Shqipëri që përqafoi shumë shpejt rrjetet sociale. Ai nisi të komunikonte në Twitter ku bënë deklarata të shumta, ose i përgjigjet akuzave të kryeministrit. Ndërsa kryeministri Berisha fillimisht bënte ironi me ironi me Ramën lidhur me përdorimin e Twitterit. Por tashmë dhe ai kanë në dashuri me rrjetet sociale. Kryeministri hapi së fundi në Facebook llogarinë e tij, ku shkruan statuse pothuajse përditë. Statuset e kryeministrit janë të shumtë, nga hobet e tij e deri tek ato politike që janë të shumtë, ndërkohë që ai hedh dhe foto të ndryshme. Së fundi ai po e përdor Facebookun edhe për të akuzuar Edi Ramën. Por kjo “dashuri” e dy liderëve për rrjetet sociale ka bërë që ata ta ‘harrojnë” bazën e tyre, duke i rralluar në maksimum takimet në fshatra dhe në zona të thella, aq më tepër që banorët e këtyre zonave, si për shkak të varfërisë, por edhe për shkak të kushteve nuk kanë mundësi të hyjnë në rrjetet sociale.
Një vëzhgim mbi uebet e PD, PS dhe të LSI-së, ja ku ndryshojnë
Si bëhet beteja politike në internet mes partive
E nëse deri dje ishim mësuar që luftën mes partive politike ta shikonim vetëm në media, në salla konferencash apo në arenën e parlamentit, tani po shohim edhe një luftë kibernetike mes tyre. Interneti “sëmundja” e shekullit 21, duket se ka “infektuar” edhe partitë politike shqiptare. vetëm t’u hedhës një sy ueb-siteve të tre partive kryesore politike në vend, vihet re qartë, se ata kanë investuar goxha në uebet e tyre. Duke parë numrin e madh të përdoruesve të internetit, tani edhe kjo hapësirë virtuale është shndërruar në një fushë-betejë të vërtetë mes partive.
Ueb-siti i PD-së
Sapo klikon mbi adresën www.pd.al, të del një sfond me ngjyrë blu të dhe gjithashtu edhe foto të kryeministrit Sali Berisha gjatë fushatave. Uebi i PD-së nuk është edhe aq i azhurnuar me lajme, pasi në këtë ueb ka vetëm deklaratat e zëdhënëses së Partisë Demokratike. por duke parë se PD-ja tashmë është në mazhorancë, vëmendja kryesore është tek uebi i këshillit të ministrave dhe ministrive përkatëse.
Uebet e PS-së dhe LSI-së
Ashtu si te uebi i PD-së, edhe tek ai i partisë më të madhe opozitare, Partisë Socialiste, pjesën kryesore të uebit e zënë deklaratat e kryetarit kësaj force politike Edi Rama. Por vetëm kaq kanë të përbashkët këto dy uebe, pasi uebi i PS-së edhe duke pasur rolin opozitar por edhe “afeksioni” që ka për imazhin, uebsiti i PS është më atraktiv për vizitorët e internetit dhe lajmet në këtë ueb janë që të gjitha të freskëta. Në uebin e PS-së, www.ps.al, mund të gjesh të dhëna si për kryesinë e kësaj partie, për grupin parlamentar por edhe mbi lajmet deh deklaratat më të fundit të eksponentëve të kësaj partie. Në uebin e PS-së ka një dhe një link që lidhet me kanalin e tyre televiziv ku kryesisht ka kronika, denoncime apo deklaratave të përfaqësuesve të kësaj partie. Ndërsa uebsiti i Lëvizjes Socialiste për Integrim në ndryshim nga ai PD dhe PS pjesën kryesore të saj nuk e zë imazhi i kryetarit Ilir meta, por vetëm sloganet e kësaj partie si përshembull “Të ecim më shpejt”, etj. Duhet theksuar se edhe pse LSI-ja renditet në numër deputetësh pas PD dhe PS, por uebin e saj e ka më modern së dy partitë e mëdha.
Basha, politikani i parë demokrat me risinë “Facebook”
Ndryshe nga socialistët demokratët dukej sikur kishin një alergji ndaj përdorimit të rrjeteve sociale. Por kryebashkiaki i Tiranës, Lulzim Basha, e theu këtë ‘tabu’ kur ai kandidoi për Bashkinë e Tiranës. Në këtë mënyrë Basha, u bë politikani i parë që solli risinë e përdorimit të “Facebook” në kampin e djathtë. Ai u anëtarësua në këtë kanal komunikimi disa muaj para se të bëheshin zgjedhjet vendore në vend. Konkretisht Basha është anëtarësuar më 22 shkurt të vitit 2011, rreth 2 muaj para zgjedhjeve të 9 majit të vitit 2011. Me sa duket, kjo mënyrë e re për të tërhequr një numër sa më të madh simpatizantësh ka qëlluar tepër e suksesshme për të, pasi ai arriti të fitonte garën elektorale të vitit 2011. Veç kësaj, anëtarësimi i hershëm i kryetari të Bashkisë së Tiranës në këtë rrejt social ka bërë që ai të ketë edhe numrin më të madh të ndjekësve. Tani për Bashën rrjeti social “Facebok” ka qëlluar tepër i suksesshëm, pasi në këtë faqe ai demonstron edhe punën e bërë nga Bashkia, ku në çdo aktivitet apo investim të bërë nga Bashkia dëshmohen punimet e kryera nëpërmjet fotografive dhe lajmeve.
Erjon Braçe, Taulant Balla dhe Ditmir Bushati më aktivët
Deputetët socialistë më aktivistë në Facebook
Pjesa më e madhe e deputetëve të Partisë Socialiste i përdorin rrjetet sociale. Por tre deputetët më aktivë janë Erjon Braçe, Ditmir Bushati dhe Taualnt Balla. Këta tre deputetë pothuajse çdo ditë kanë nga një status apo deklaratë duke hedhur kritika në drejtim të qeverisë. Deputeti i PS-së Erjon Braçe, që është më aktive, publikon pothuajse përditë në profilin e tij të dhëna që u përkasin “aferave” të zbuluara nga forca më e madhe opozitare në vend.
Topalli, demokratja më aktive në Facebook
Pas thirrjes së Berishës, ministrat reklamojnë punën e tyre në “Facebook”
Pasi kryeministri Berisha iu kërkoi ministrave të tij të ishin më aktivë në rrjetet sociale, shumë prej tyre hapën menjëherë llogaritë e tyre në Facebook. Por kryesisht ministrat e përdorin rrjetin vetëm për të reklamuar punë e tyre. Ndërsa kryetarja e Kuvendit, Jozefina Topoalli, e përdor këtë rrjet social për të treguar aktivitetet e zhvilluara nga Kuvendi i Shqipërisë. Në faqen e saj zyrtare tregohen lajme që flasim për fjalimet, takimet apo dhe aktivitetet e zhvilluara nga vetë Kryetarja, duke mos u përdorur si një mjet komunikimi, por si një media. Gjithashtu Topalli e azhurnon faqen e saj edhe me foto të shumta.