Princi Harry ka rrëfyer se si ai ka vrarë talibanë gjatë katër muajve që ka qëndruar në detyrë në Afganistan.
Princi britanik foli për herë të parë për operacionet e tij me helikopterët Apache.
Princi 28- vjeçar, që kthehet nga qëndrimi 20- javor në Afganistan, tha se ai duhej të vriste dhe se këtë e kanë bërë shumë njerëz aty.
“Duhet të marrësh një jetë për të shpëtuar një jetë,” tha ai.
Ndërsa udhëheqësit e tij ushtarakë thanë se ai e ka kryer shumë mirë shërbimin si pilot.
Gjatë shërbimit ushtarak, princit nuk i është rezervuar asnjë trajtim special në krahasim me pilotët e tjerë të skuadronit.
Komandantët e tij thanë se nuk ka asnjë gjë të sigurt në punën e tyre.
Harry tha se vëllait të tij, William, i pëlqen shumë që të pilotojë helikopterë në shkretëtirë.
“Atij do i pëlqente të ishte aty,” tha Harry.
Princi ka rrëfyer edhe për miqësinë e tij në kampin e ushtarëve në Afganistan, duke zbuluar se ka qenë një lojtar shumë i mirë në video- lojërat. Ai tha se ato e kanë ndihmuar që të jetë një pilot i mirë.
