Presidenti i Kenias ka startuar një projekt që do të kushtojë 14.5 miliard dollarë dhe që ka për qëllim të ngrejë një qytet të dedikuar teknologjisë, njësoj si Lugina e Silikonit në SHBA.Por kjo në Afrikë do të quhet “Savana e Silikonit”.
Sipas BBC, do të duhen 20 vite për ndërtimin e Konza Technology City, rreth 60 kilometër larg kryeqytetit Nairobi.
Shpresohet se aty do krijohen 20 mijë vende pune në vitin 2015 dhe rreth 200 mijë vende pune në vitin 2030.
Pavarësisht se politika në këtë vend është shumë e përçarë, projekti ka marrë mbështetjen e të gjitha partive politike.
Konza është pjesë e projektit ambicioz të qeverisë “Vizion 2030”, që synon të përmirësojë ndjeshëm infrastrukturën brenda 18 viteve të ardhshëm.
Korrespondenti i BBC thotë se qeveria kërkon që të përfitojë edhe nga numri në rritje i zhvilluesve të software-ve në këtë komb afrikan.