Ken Biberaj është një nga kandidatët më të suksesshëm që Partia Demokratike e Barak Obamës, ka future në garën për Këshillit e Qytetit në New York. Biberaj është një kandidat nga Partia Demokratike për një vend në Qarkun e 6-të të Këshillit të Qytetit në zgjedhjet e këtij viti – 2013. Lajmet më të fundit nga fushata e Biberaj bëjnë të ditur se ai ka marrë mbështetjen e njërës prej Unioneve më të fuqishme në qytetin e Nju Jorkut.
Zoti Hektor Figueroa, President i Unionit të punëtorëve 32BJ – Fondi Amerikan Dream, dhe Komiteti Politik i Veprimit – 32BJ, thotë në një deklaratë për shtyp që publikohet në faqen zyrtare të internetit të fushatës së zotit Ken Biberaj se: “Unioni 32BJ, apelon tek punëtorët e saj për: “Mbështetje të Ken Biberaj për në Këshillin e Qytetit të Nju Jork”, duke shtuar se Ken Biberaj do të jetë një zë i fuqishëm për anëtarët e Unionit (sindikatës) 32BJ dhe për të gjithë njujorkezët, duke punuar në Këshillin e Bashkisë së qytetit të Nju Jorkut.”
Në komunikatë thuhet se Unioni i punëtorëve 32BJ përfaqëson mbi 50.000 punëtorë të sektorit të shërbimit publik dhe të kompanive të ndërtimit në Nju Jork. Por, bashkimi i këtyre sindikatave është mbipopulluar dekadat e fundit, kryesisht me punëtorët që kanë ardhur nga vendet e Evropës Lindore, përkatësisht nga vende si Shqipëria, Kosova, Maqedonia, dhe Mali i Zi.
Sipas gazetës njujorkeze “The Nju Jork Times”, konkurron në anën e sipërme të qyteti në West Side, dhe se z Biberaj sipas NY Times, është një nga kandidatët kryesorë që shpresojnë se do të kenë sukses në këtë garë të “fortë”.
Kjo gazetë, thekson se “Pas fillimit të fushatës së tij në fund të shkurtit të kaluar Z. Biberaj, ka thënë se ai kishte ngritur fondet e tij në rreth 130 mijë dollarë nga 830 donatorë dhe kjo vetëm në gjashtë mujorin e parë të fushatës së tij.
Zoti Biberaj është konsideruar si një ndër më të suksesshmit në ngritjen e fondeve në një gjashtë-mujor të vetëm në ciklin e fondeve, një vit përpara zgjedhjeve, thuhet në shkrim duke iu referuar Bordit Financiar të Fushatës.
Ken Biberaj ka përfunduar studimet ne Harvard Kennedy School of Government
Ai ka qenë praktikat i Presidentit Bill Klinton. Për shqiptarët e SHqipërisë, familja e tij është e njohur për shkak të babit të tij, Elez Biberaj, i cili është sot nëndrejtor i Përgjtishëm i Zërit të Amerikës, përgjegjës për Evropën dhe Azinë.