Drejtori i Manchester Cityt, Patrick Vieira, thotë se ditët e harxhimeve të mëdha tashmë kanë mbaruar.Vieira thotë se klubi tash do të fokusohet më shumë në zhvillimin e të rinjve.
“Në të kaluarën ne kemi harxhuar para pasi kemi dashur për një kohë të shkurtër të ndërtojnë një ekip të suksesshëm. Kur ju dëshironi të sillni emra të mëdhenj, ju duhet të harxhoni para”
“Tash ne kemi një ekip vërtet të ri dhe në futboll gjithmonë ka cikle. Besoj se Manchester City tash është në fillim të ciklit që do të na japë neve mundësi të punojmë me lojtarë të rinj”.
“Akademia e futbollit është e rëndësishme kur ju besoni në zhvillimin e të rinjve. Nëse ju dëshironi të bëheni një prej klubeve më të mira në botë, duhet t’u jepni shans talenteve të rinj”, ka deklaruar Vieira.