Trajneri i Real Madridit, Jose Mourinho, mendon se është koha për një ndryshim të emrit të tij, nga “I veçanti” ose “Special One”, në “I Vetmi” ose “Only One”.Mourinho sqaroi për televizionin portugez SIC se ai është bërë njeri më jo egoist dhe këtë falë Interit, kurse titujt e fituar deri tani në karrierë thotë se e bëjnë atë ta quajë veten “I Vetmi”.
“Gjërat kanë shkuar mirë për mua, falë Zotit. Jam i fokusuar më shumë te të tjerët se sa te vetja. Kënaqësia e të fituarit me Interin ishte të shoh një klub që nuk e kishte fituar titullin e Ligës së Kampionëve për 50 vjet, ta fitojë atë përsëri. Kjo më kënaq shumë më shumë, se sa sukseset individuale”.
“Më pëlqeni ose jo, unë jam i vetmi që kam fituar tri kampionatet me të mëdha në botë. Kështu, ndoshta në vend se të më quani “I veçanti”, është mirë të më quani “I vetmi”, ka deklaruar Mourinho.