Mesfushori i Real Madridit, Kaka, duhet të pranojë një ulje page prej 50 për qind për t’u kthyer te Milani.Adriano Galliani konfirmoi se ai planifikon të sjellë Kakan në San Siro para miqësores ndaj Real Madridit të planifikuar më 8 gusht.
Galliani e dëshiron Kakan në formë huazimi 12 muajsh dhe dëshiron që braziliani të pranojë pagë prej 5 milionë euro, derisa te Reali merr 10 milionë në vit.
Pavarësisht kërkesave dramatike, personat e afërt me tavolinën e negociatave besojnë se të tre palët dëshirojnë që kjo marrëveshje të mbyllet para afatit kalimtar.