Zbardhet misteri i gruas në krah të Kim Jong Un (FOTO)

Gruaja misterioze që është shfaqur në krah të liderit të Koresë së Veriut, Kim Jong Un, në një seri aktivitetesh zyrtare, është një këngëtare e njohur e muzikës pop në këtë vend.
Burimet e inteligjencës së Koresë së Jugut thonë se çifti ishte përfshirë në një histori dashurie një dekadë më parë, kur Kim Jong Un u rikthye nga studimet në një shkollë private në Bernë të Zvicrës. Ai mesa duket u dashurua me këngëtaren bukuroshe
Hyon Song Wol.
Por babai i tij, Kim Jong Il, që vdiq në dhjetor të vitit të shkuar, e urdhëroi të birin që t’i jepte fund marrëdhënieve.
Këngëtarja, popullariteti i së cilës arriti kulmin në vitin 2005, besohet se ka qenë e martuar me një oficer të ushtrisë, me të cilin ka një fëmijë.
Nuk dihet se ku ndodhet burri i saj apo fëmija. Po ashtu nuk dihet nëse është ndarë me të dhe është fejuar me liderin e Koresë së Veriut.