SHBA, martesa e parë gay në Kongresin Amerikan

Senatori demokrat, 72-vjeçari Barney Frank u martua me partnerin e tij 30 vjet më të ri, duke shënuar kështu të parën ngjarje të këtij lloji për senatin amerikan

Senatori Barney Frank dhe partneri i tij, James Ready

Shënohet martesa e parë gay në Kongresin Amerikan. Senatori 72-vjeçar Barney Frank e realizoi më në fund ëndrrën e tij për t’u bërë anëtari i parë i senatit që arrin të realizojë një martesë gay. Ai u martua me partnerin e tij 42-vjeçar James Ready, me të cilin kishte një lidhje prej vitesh.
Mbrojtës prej një jetë të tërë i të drejtave të homoseksualëve, 72-vjeçari i kishte shprehur prirjet e tij homoseksuale qysh në vitet’ 80 dhe shënon tashmë një rekord për vendin e tij, duke qenë se është i pari anëtar i senatit amerikan që arrin të legalizohet në një martesë gay.
Ceremonia e martesës u zhvillua në Boston dhe u celebrua nga guvernatori i Masaçusets, Deval Patrick. Të ftuarit ishin me qindra, pjesa më e madhe e të cilëve, kolegë parlamentarë me Frank. Në dasmë u vlerësua shumë kontributi i senatorit amerikan në luftën kundër diskriminimit seksual në SHBA dhe respektimin e të drejtave të njeriut.