Republika e Kosovës gjendet në pjesën qendrore të Gadishullit Ballkanik. Republika e Kosovës ndonëse e rrethuar me male të larta, përshkohet nga rrugë të rëndësishme.
Pozitën e mirë gjeografike ia mundësojnë luginat e lumenjve që paraqesin korridoret kryesore nëpërmes të cilëve Republika e Kosovës lidhet me fqinjët. Ibri, Sitnica dhe Lepenci në pjesën qëndrore, Drini i Bardhë në pjesën perëndimore dhe Morava në pjesën lindore kanë formuar rrugë natyrore me të shkurtër dhe më të përshtatshme.