Mesfushori anglez, Frank Lampard, është i vetëdijshëm se Chelsea do ta ketë vështirë t’i kalojë sukseset e sezonit të kaluar, megjithatë ka thënë se Blutë nuk duhet të ngopen me atë që arritën në sezonin 2011/2012.“Forma jonë në ligë nuk ishte aq e mirë në sezonin e kaluar, nuk ishim të qëndrueshëm sa duhej dhe kjo është diçka që duhet ta rregullojmë”.
“Duhet që triumfin në Ligën e Kampionëve dhe në Kupën FA ta marrim si platformë për të kërkuar më shumë e jo të mbështetemi në të dhe të mos shkaktojmë presion si klub”.
“Jam i sigurt se me personelin që kemi këtu, transferimet e reja dhe me mënyrë si po udhëhiqet ky klub, ne do të vazhdojmë të përpiqemi për më shumë”, ka thënë Lampard.