Mesfushori i Bayernit të Munichut, Bastian Schweinsteiger, është shprehur tejet i zhgënjyer me eliminimin e Gjermanisë nga Euro 2012.“Natyrisht jemi të zhgënjyer dhe të pikëlluar që humbëm këtë ndeshje. Ne shpresuam për diçka tjetër. Fatkeqësisht, kjo ndeshje nuk shkoi si e paramenduam. Ne kemi pasur tri raste për të kaluar në epërsi dhe kemi dështuar në një situatë të pa nevojshme”.
“Goli i dytë erdhi pas një pasimi fenomenal. Vërtet kjo nuk është dashur të ndodhë, pasi që të gjithë e dimë se Balotelli luan ngjit me njeriun e fundit në grackën e ofsajdit”, ka deklaruar mesfushori pas sfidës.