Trajneri i Spanjës, Vicente del Bosque, ka kritikuar djelmoshat e tij për paraqitjen “e ngadalshme” kundër Kinës të dielën mbrëma.Kampioni në fuqi i Evropës dhe Botës u mundua shumë përballë Kinës dhe arriti të shënojë golin e vetëm të ndeshjes vetëm gjashtë minuta nga fundi i takimit, kur David Silva e shndërroi në gol një pasim të Andres Iniesta.
“Ne ishim më të ngadalshëm se zakonisht, ata na lanë neve pak hapësira dhe ne ishim të ngadaltë. Por ne e dinim se Kina do të jetë një rival i fuqishëm në luftën për top, por ata jo vetëm që u mbrojtën mirë, ata po ashtu luftuan në kundërsulme”.
“Por në pjesën e dytë, ne luajtëm me një shumë njerëz në sulm dhe ata ishin më të lodhur”, ka thënë Del Bosque.