Golashënuesi i Manchester United, Ashley Young, është i ngazëllyer me kontributin e tij në fitoren 2-0 ndaj Blackburn Rovers.“Ishte një fitore e madhe për ne. Ne e dinim se nëse fitojmë këtu, atëherë ne do të shkojmë pesë pikë në maje të tabelës. Ishte një rezultat i mrekullueshëm dhe një paraqitje e shkëlqyeshme”.
“Është koha vendimtare e sezonit – çdokush në skuadër e di këtë. Është një lojë ekipore, këtë na ka thënë menaxheri dhe është e qartë se ne kishim disa ndryshime sonte, por çdokush në ekip mund të bëjë punë dhe ne e bëmë atë sonte”, ka thënë Young.