Trajneri i Real Madridit, Jose Mourinho, ka tallur Barcelonën përmes zëdhënësit të tij, i cili ka thënë se Blaugranët ndihmohen nga gjyqtarët në Ligën e Kampionëve.Në ndeshjen çerekfinale ndaj Milanit në favor të Barcelonës u akorduan dy penalti, njëra shumë e dyshimtë, të cilat ndihmuan Blaugranët të fitojnë me rezultat 3-1 dhe të kualifikohen për në gjysmëfinale.
“Çdo vit ne mësojmë gjëra të reja. Për shembull, tash ne e dimë se ju mund të fishkëlleni për penalti para se topi të hidhet në lojë”.
“Chelsea, Inter, Arsenal, Real Madrid dhe Milani të gjithë janë ndëshkuar. Së paku tash e dimë se kush do ta fitojë Ligën e Kampionëve”, ka shkruar zëdhënës i Mourinhos, Eladio Parames, në Twitterin e tij.
