Ylli i Real Madridit, Kaka, është i ngazëllyer me golin e shënuar në fitoren e Ligës së Kampionëve ndaj APOEL.“Si fëmijë nuk kam pasur shumë fuqi, andaj kam mësuar ta godas topin në mënyrën se si e godita sonte për të lënduar portierët”.
“Ka qenë një prej golave të mi më të bukur, të ngjashëm me atë që kam shënuar kundër Anderlecht me Milanin”, ka thënë Kaka.
“Është e rëndësishme që kemi arritur në gjysmëfinale për të dytin vit radhazi. Do të jetë vështirë të fitojmë pasi përballemi me Bayern Munichun, që po ia del mirë dhe ka luajtur në një finale së fundi”.
“Ne jemi plot vetëbesim, por ne gjithmonë i respektojmë rivalët, dhe sonte nuk ka pasur ndryshim. Mendoj se Real Madridi mund të arrijë në finale”, ka shtuar braziliani.
