Manchester City e ka humbur durimin në sulmuesin kontravers, Mario Balotelli dhe është i gatshëm që ta shesë atë te Interi ose Milani, klube këto që dëshirojnë ta kthejnë në Itali asin problematik.City dëshiron që ta largojë sa më shpejtë 21 vjeçarin, i cili pos problemeve nuk ka bërë asgjë që mund të mbahet në mend në Ettihad Stadium.
Mancini e kishte kritikuar për sjelljen dhe performancën Balotelin pas barazimit prej 3-3 ndaj Sunderlandit, që mund t’i kushtojë Cityt me titullin, por gjithçka pritet të vendoset pas përfundimit të sezonit, ku Balotelli sigurisht se do ta realizojë ëndrrën e tij për t’u kthyer në shtëpinë e tij.