Roberto Di Matteo ka bërë të ditur se do të tentojë ta mposhtë Barcelonën në Camp Nou edhe në ndeshjen kthyese gjysmëfinale të Ligës së Kampionëve.Falë epërsisë prej 1-0 nga ndeshja e parë, Blutë mund të kualifikohen në finale edhe me barazim ose edhe nëse humbin me diferencë prej një goli, por me kusht që ata të shënojnë.
“Është shumë e vështirë që të luash për një barazim pa gola. Shënimi do të na jepte avantazh të madh, mirëpo të gjithë e dimë se sa vështirë do të jetë”.
“Është e kuptueshme se Barcelona do të krijojë raste kundër çdo skuadre, prandaj ne duhet të mundohemi ta shënojmë një gol”.
“Por, gjithashtu do të mundohemi që të kufizojmë rastet e tyre kundër nesh”, ka thënë italiani në një konferencë për media.