Menaxheri i Arsenalit, Arsene Wenger, mendon se skuadra e tij është e aftë ta fitojë Ligën Premier sezonin e ardhshëm, kur të ketë në përbërje lojtarë të klasit botëror, si Lukas Podolski.“Mendoj se ne kemi pasur dy periudha të dobëta këtë sezon dhe ju mund t’ia lejoni vetes vetëm një. E kam ditur që në 17 gusht se ne nuk mund t’i lejojmë vetes periudha të dobëta më, andaj kur kjo ndodhi në janar, ishte shumë vështirë”.
“Nëse shikoni në rrethanat e dështimit të dytë, kjo ishte për faktin se ne nuk kishim mbrojtës. Që nga tetori, që kur ekipi u stabilizua, ne nuk jemi shumë keq. Man City e ka pasur të kundërtën; ata kanë filluar në mënyrën në të cilën ne jemi tash. Është vështirë për secilin ta ruajë këtë”.
“Po [ne jemi të interesuar për Podolskin], pasi ne duam të shtojmë disa sulmues, pasi shumë herë njerëzit thonë se ne varemi shumë nga Van Persie, që është e vërtetë, por nëse ne mund të gjejmë lojtarë të klasit botëror, do të luftojmë për titull”, ka thënë Wenger.