Sunderlandi e ka mposhtur Manchester Cityn me rezultat minimal 1-0 me një gol në sekondat e fundit, duke bërë që Liga Premier ende të mos ketë lider.Nga fillimi City dominoi takimin në posedim, por edhe vendasit rrezikuan disa herë portën mysafire.
Përkundër intensifikimit të tempos së lojës në pjesën e dytë ekipet nuk shënuan gol dhe kështu ndeshja u mendua se do të përfundonte me paqe për të dyja skuadrat.
Sidoqoftë, kështu nuk mendoi Dong Won Ji, që shënoi për 1-0 në sekondën e fundit në Stadiumin e Dritave me asistimin e Stephane Sessegnon.
Manchester City e ka pasur rastin që ta tejkalojë Manchester Unitedin me tri pikë në rendije po që se do të kishte shënuar fitore, mirëpo mbetet lider i përbashkët me Djajtë me nga 45 pikë.