Tenisti i dytë në botë, Rafael Nadal, ka siguruar kualifikimin në finale të Grand Slam turneut të parë sezonal, Australian Open, duke eliminuar rivalin e tij më të madh, Roger Federer.Edhe pse e humbi setin e parë, spanjolli u kthye për të regjistruar fitore me rezultat 3-1 në sete (6-7, 6-2, 7-6 dh 6-4), ndërsa kjo ishte fitorja e 18-të e tij në 27 duelet kundër zviceranit.
Në finale, Nadal do ta presë fituesin nga gjysmëfinalja tjetër që zhvillohet të premten në mes të serbit Novak Djokovic dhe britanikut Andy Murray.